கணவர், குழந்தையுடன் மியா ஜார்ஜ்: வைரல் புகைப்படங்கள்
- IndiaGlitz, [Thursday,September 09 2021]
பிரபல தமிழ் மற்றும் மலையாள நடிகை மியா ஜார்ஜ் தனது கணவர் மற்றும் குழந்தையுடன் இருக்கும் புகைப்படங்கள் சமூக வலைதளங்களில் வைரல் ஆகி வரும் நிலையில் இந்த புகைப்படங்களுக்கு லைக்ஸ்கள் குவிந்து வருகிறது என்பது குறிப்பிடத்தக்கது.
கடந்த 2014ஆம் ஆண்டு ’அமரகாவியம்’ என்ற திரைப்படத்தின் மூலம் தமிழில் அறிமுகமானவர் நடிகை மியா ஜார்ஜ். அதன் பின்னர் அவர் ’இன்று நேற்று நாளை’ ’வெற்றிவேல்’ ’எமன்’ உள்பட ஒரு சில திரைப்படங்களில் நடித்து வருகிறார்.
இந்த நிலையில் நடிகை மியா ஜார்ஜ் கடந்த ஆண்டு அஸ்வின் என்பவருடன் திருமணம் நடந்தது. இந்த தம்பதிக்கு கடந்த ஜூலை மாதம் ஆண் குழந்தை பிறந்தது என்பது குறிப்பிடத்தக்கது. இந்த நிலையில் நடிகை மியா ஜார்ஜ் தனது கணவர் மற்றும் குழந்தையுடன் இருக்கும் அசத்தலான புகைப்படங்கள் இணையதளங்களில் வைரலாகி வருகிறது. இந்த புகைப்படங்களை பார்த்து ரசிகர்கள் மியாவின் குழந்தைக்கு வாழ்த்துக்களை தெரிவித்து வருகின்றனர்.
இந்த நிலையில் மியா ஜார்ஜ் தற்போது விக்ரம் நடித்துவரும் ’கோப்ரா’ மற்றும் ’இன்று நேற்று நாளை 2’ ஆகிய படங்களில் நடித்து வருகிறார் என்பது குறிப்பிடத்தக்கது.