நடிகை நதியாவின் வேற லெவல் வொர்க்-அவுட் வீடியோ வைரல்
- IndiaGlitz, [Saturday,November 20 2021]
’பூவே பூச்சூடவா’ என்ற திரைப்படத்தின் மூலம் கடந்த 1986ஆம் ஆண்டு திரையுலகில் அறிமுகமான நடிகை நதியா, அதன்பின் ரஜினிகாந்த், சத்யராஜ், விஜயகாந்த், பிரபு, சிவகுமார் உள்பட பல முன்னணி ஹீரோக்களுடன் நடித்தார் என்பது குறிப்பிடத்தக்கது.
திருமணத்திற்குப் பின்னர் நீண்ட இடைவெளிக்குப் பின்னர் ’எம்.குமரன் சன் ஆப் மகாலட்சுமி’ என்ற திரைப்படத்தில் ரீ-என்ட்ரி ஆன நதியா, அதன்பின் தற்போது வரை நடித்துக் கொண்டிருக்கிறார் என்பதும் அவர் நடித்து முடித்துள்ள ’த்ரிஷ்யம் 2’ என்ற தெலுங்கு திரைப்படம் விரைவில் ரிலீசாக உள்ளது என்பதும் குறிப்பிடத்தக்கது.
இந்த நிலையில் சமூக வலைதளங்களில் ஆக்டிவ்வாக இருக்கும் நதியா, வொர்க் அவுட் செய்யும் வீடியோ ஒன்றை வெளியிட்டுள்ளார். நதியாவுக்கு தற்போது 55 வயதாகும் நிலையில் இந்த வயதிலும் அவர் வேற லெவலில் ஒர்க் அவுட் செய்யும் இந்த வீடியோ தற்போது வைரல் ஆகி வருகிறது.