ஜெயலலிதா அதிமுகவில் இணைந்தார் நமீதா
- IndiaGlitz, [Sunday,April 24 2016]
பிரபல நடிகை நமீதா, அதிமுகவில் இணைய விருப்பம் தெரிவித்து முதல்வரும் அதிமுக பொதுச்செயலாளருமான ஜெயலலிதாவுக்கு கடிதம் எழுதினார் என்பதை நேற்று பார்த்தோம். இந்நிலையில் நேற்று முதல்வர் முன்னிலையில் நடிகை நமீதா அதிமுகவில் தன்னை இணைத்து கொண்டார்.
நேற்று திருச்சியில் நடைபெற்ற அதிமுகவின் பிரச்சார கூட்டத்தில் முதல்வர் ஈடுபட்டிருந்தபோது அதிமுகவில் இணைந்து கட்சியின் உறுப்பினர் அட்டையை முதல்வரிடம் இருந்து நமீதா பெற்றுக்கொண்டார்.
அதிமுகவில் நமீதா இணைந்துவிட்டதால் தேர்தல் பிரச்சாரத்திலும் அவர் கலந்து கொள்வார் என்று எதிர்பார்க்கப்படுகிறது. திமுக கூட்டணியில் உள்ள காங்கிரஸ் கட்சியில் குஷ்பு மற்றும் நக்மா தீவிர பிரச்சாரத்தில் ஈடுபட்டிருக்கும் நிலையில் அதிமுகவில் சார்பில் நமீதா களமிறங்கியுள்ளது அரசியல் வட்டாரத்தில் பரபரப்பை ஏற்படுத்தியுள்ளது.