கமல்ஹாசனை சந்தித்த பிரபல நடிகை-அரசியல்வாதி
- IndiaGlitz, [Monday,September 04 2017]
உலக நாயகன் கமல்ஹாசனின் பயணம் கடந்த சில மாதங்களாகவே அரசியல் நோக்கி சென்று கொண்டிருப்பதாக கூறப்பட்டு வருகிறது. இந்த நிலையில் அவரும் தனது சமூக வலைத்தளங்களில் ஆவேசமாகவும், தைரியமாகவும் தனது கருத்துக்களை பகிர்ந்து வருகிறார். ஒரு தலைவனுக்குரிய அனைத்து அம்சங்களும் கமலுக்கு இருப்பதாக கருதி வரும் நிலையில் அவரை தினந்தோறும் பல அரசியல் கட்சி தலைவர்களும், சமூக நல ஆர்வலர்களும் சந்தித்து வருகின்றனர்.
இந்த நிலையில் கடந்த 2000ஆம் ஆண்டுகளில் பிரபல நடிகையாக இருந்தவரும், தற்போதைய மகளிர் காங்கிரஸ் நிர்வாகியுமான நக்மா இன்று கமல்ஹாசனின் ஆழ்வார்ப்பேட்டை இல்லத்தில் அவரை சந்தித்து பேசினார். இந்த சந்திப்பில் அரசியல் குறித்து பேசப்பட்டிருக்கலாம் என்று கூறப்படுகிறது.
ஏற்கனவே கமல்ஹாசனின் டுவீட்டுக்களுக்கு காங்கிரஸ் கட்சியின் செய்தி தொடர்பாளரும் பிரபல நடிகையுமான குஷ்பு தனது சமூக வலைத்தளத்தில் ஆதரவு கொடுத்திருந்த நிலையில் தற்போது நக்மாவும் அவரை சந்தித்திருப்பது பல்வேறு யூகங்களை வளர்க்கின்றது.