நடிகர் சிம்புவுடன் 'குத்து' மற்றும் தனுஷுடன் 'பொல்லாதவன் உள்பட பல தமிழ் திரைப்படங்களிலும், கன்னட, தெலுங்கு திரைப்படங்களிலும் நடித்தவர் நடிகை ரம்யா. இவர் கடந்த சில வருடங்களாக சினிமாவில் இருந்து விலகி, முழுநேர அரசியலில் உள்ளார். காங்கிரஸ் கட்சியின் எம்பியாகவும் தேர்வு செய்யப்பட்டுள்ளார்.

இந்த நிலையில் காங்கிரஸ் கட்சியின் துணைத்தலைவர் ராகுல்காந்தி காங்கிரஸ் கட்சியின் சமூக ஊடக தலைவராக நடிகை ரம்யாவை நியமனம் செய்துள்ளார். இந்த பதவியில் இதற்கு முன்னர் அரியானா முன்னாள் முதல்வர் புபேந்தர் சிங் ஹூடாவின் மகன் தீபந்தர் சிங் ஹூடா இருந்த வந்த நிலையில் தற்போது அவர் நீக்கப்பட்டு அந்த பதவியை ரம்யாவிடம் அளித்துள்ளார் ராகுல் காந்தி.

கர்நாடக மாநிலத்தில் விரைவில் சட்டமன்ற தேர்தல் வரவுள்ளதை அடுத்து அம்மாநிலத்தில் பாஜகவின் அதிரடிகளை சமூக ஊடகங்கள் மூலம் சமாளிக்கவே ரம்யா நியமனம் செய்யப்பட்டுள்ளதாக காங்கிரஸ் வட்டாரங்கள் கூறுகின்றன.