வித்தியாசமான கெட்டப்பில் நடிகை ரேவதி: எந்த படத்திற்காக தெரியுமா?
- IndiaGlitz, [Saturday,April 01 2023]
தமிழ் திரை உலகில் கடந்த 80கள் மற்றும் 90களில் பிரபல நடிகையாக இருந்த ரேவதி வித்தியாசமான கெட்டப்பில் பாலிவுட் திரைப்படம் ஒன்றில் நடித்து இருக்கும் நிலையில் அது குறித்த புகைப்படம் இணையதளங்களில் வைரல் ஆகி வருகிறது.
இயக்குனர் இமயம் பாரதிராஜா இயக்கிய ’மண்வாசனை’ என்ற திரைப்படத்தின் மூலம் கடந்த 1983 ஆம் ஆண்டு தமிழ் திரை உலகில் அறிமுகமானவர் நடிகர் ரேவதி. அதன் பின்னர் அவர் கமல்ஹாசன், ரஜினிகாந்த், விஜயகாந்த், சத்யராஜ், பிரபு உள்பட பல முன்னணி நடிகர்களுடன் இணைந்து நடித்தார். மேலும் அஜித் நடித்த ‘ரெட்’, விஜய் நடித்த ‘தமிழன்’ உள்பட பல படங்களில் குணசித்திர வேடங்களிலும் நடித்துள்ளார்.
இந்த நிலையில் நடிகர் ரேவதி தற்போது ’டூத் பாரி’ என்ற இந்தி வெப்தொடரில் நடித்து வருகிறார். இந்த வெப்தொடரில் அவருடைய வித்தியாசமான கெட்டப் குறித்த புகைப்படங்கள் இணையதளங்களில் வைரல் ஆகி வருகின்றன.
ஷாந்தனு மகேஸ்வரி, தன்யா மணிக்தாலா, ரேவதி உள்பட பலர் நடித்த இந்த வெப்தொடர் நெட்பிளிக்ஸில் விரைவில் ஒளிபரப்பாகவுள்ளது.