సాయిపల్లవి షాక్ ఇస్తుంద‌ట
- IndiaGlitz, [Sunday,June 17 2018]
శర్వానంద్, సాయిపల్లవి జంటగా నటిస్తున్న చిత్రం ‘పడి పడి లేచె మనసు’. హను రాఘవపూడి దర్శకత్వం వహిస్తున్నారు. రొమాంటిక్ కామెడీగా తెరకెక్కుతున్న ఈ చిత్రం.. దాదాపు సగానికి పైగా చిత్రీకరణను పూర్తి చేసుకుంది. ఇప్పటికే కోల్‌కతా, నేపాల్ షెడ్యూల్స్‌ను పూర్తి చేసుకున్న ఈ మూవీ.. ప్రస్తుతం హైదరాబాద్‌లో షూటింగ్ జరుపుకుంటోంది. త్వరలోనే తదుపరి షెడ్యూల్ చిత్రీకరణ కోసం డార్జిలింగ్‌కు బయలుదేరనుంది చిత్ర బృందం.
అనంతరం కోల్‌కతాలో జ‌రిగే షెడ్యూల్‌లో మరికొన్ని సన్నివేశాలను షూట్ చేయనున్నట్టు తెలుస్తోంది. ఇదిలా ఉంటే.. ఈ సినిమాలో సాయిపల్లవి మరోసారి మెడికల్ స్టూడెంట్‌గా కనిపించనుంది. అంతేగాకుండా.. ఇందులో తన పాత్రని దర్శకుడు చాలా చక్కగా డిజైన్ చేసారని.. ప్రేక్షకులను షాక్‌కు గురి చేసే విధంగా ఉంటుంద‌ని తెలిపింది సాయిపల్లవి. కాగా.. ద‌సరా కానుక‌గా ఈ సినిమా తెర‌పైకి రానుంది.