நடிகை சமந்தாவிடம் கோடிக்கணக்கான மதிப்புள்ள காஸ்ட்லி கார்கள் இருந்தும், அவர் மும்பை தெருக்களில் மிகவும் எளிமையாக ஆட்டோவில் சென்ற அனுபவத்தை தனது சமூக வலைத்தளத்தில் பதிவு செய்துள்ளார். அந்த புகைப்படம் தற்போது இணையத்தில் வைரல் ஆகி வருகிறது.

தமிழ், தெலுங்கு திரையுலகில் முன்னணி நடிகையான சமந்தா கடந்த இரண்டு ஆண்டுகளாக திரைப்படங்களில் நடிக்கவில்லை என்றாலும், வெப் தொடரில் நடித்து வருகிறார். சமீபத்தில் அவர் நடித்த ‘சிட்டாடல்’ என்ற வெப் தொடர் வெளியாகி நல்ல வரவேற்பை பெற்றது.

இந்த நிலையில், தற்போது மீண்டும் ஒரு வெப் தொடரில் நடிப்பதற்காக மும்பை சென்றுள்ள நடிகை சமந்தா அங்கு ஒரு வீடு எடுத்து தங்கி உள்ளதாக தெரிகிறது. மேலும், அவர் ஆட்டோவில் பயணம் செய்ததை ’வைபிங்’ என்று தலைப்பிட்டு வீடியோவாக தனது சமூக வலைத்தளத்தில் பகிர்ந்துள்ளார். அந்த வீடியோ தற்போது இணையத்தில் வைரல் ஆகி வருகிறது.

அதோடு, நடிகை சமந்தா தெலுங்கில் ஒரு திரைப்படத்தில் நடிக்க பேச்சுவார்த்தை நடத்தி வருவதாகவும், அந்த படம் குறித்த அறிவிப்பு விரைவில் வெளியாகும் என்றும் கூறப்படுகிறது.

Sam babe 😘#SamanthaRuthPrabhu pic.twitter.com/nEERGkvHg0

— Arya (@Arya5508) February 12, 2025