500 ரூபாயில் இருந்து 5 கோடி ரூபாய் வரை: சமந்தாவின் சம்பளம்!
- IndiaGlitz, [Thursday,February 10 2022]
தற்போது ஒரு திரைப்படத்திற்கு சுமார் 5 கோடி வரை சம்பளம் வாங்கும் நடிகை சமந்தா ஆரம்பகாலத்தில் 500 ரூபாய்க்காக வேலை பார்த்ததாக பேட்டி ஒன்றில் குறிப்பிட்டுள்ளார்.
தமிழ் தெலுங்கு திரையுலகின் முன்னணி நடிகைகளில் ஒருவரான சமந்தா மிக அதிக சம்பளம் வாங்கும் நடிகைகளில் ஒருவராக உள்ளார். சமீபத்தில் ’புஷ்பா’ திரைப்படத்திற்காக ஐட்டம் டான்ஸ் ஆடியதற்காக மூன்று கோடி ரூபாய் சம்பளம் வாங்கியதாக கூறப்பட்டது.
இந்த நிலையில் சினிமாவுக்கு வருவதற்கு முன் தான் மிகவும் கஷ்டப்பட்டதாகவும் 500 ரூபாய்க்கு வெல்கம் கேர்ள் என்ற பணியை பார்த்ததாகவும் அவர் கூறியுள்ளார். ஆரம்ப காலத்தில் தன்னிடம் பணம் இல்லாததால் ஒருவேளை மட்டுமே சாப்பாடு சாப்பிட்டு கஷ்டப்பட்டுக் கொண்டு இருந்ததாகவும் அந்த பேட்டியில் அவர் நினைவு கூர்ந்தார்.
தற்போது ஒரு திரைப்படத்திற்கு சுமார் 5 கோடி வரை சம்பளம் வாங்கும் சமந்தா ஆரம்ப காலத்தில் 500 ரூபாய்க்கு ஒரு நாள் முழுவதும் வேலை செய்ததாக கூறியிருப்பது ரசிகர்களுக்கு பெரும் ஆச்சரியத்தை ஏற்படுத்தியுள்ளது.