நடிகை சாயிஷா தனது இன்ஸ்டாகிராம் பக்கத்தில் செம டான்ஸ் ஆடும் வீடியோ ஒன்றை வெளியிட்டுள்ள நிலையில், மீண்டும் அவருக்கு ஒரு பாடலுக்கு நடனமாடும் வாய்ப்பு கிடைக்குமா என்ற கேள்வியை ரசிகர்கள் எழுப்பி வருகின்றனர்.

விஜய் இயக்கத்தில் உருவான 'வனமகன்’ திரைப்படத்தின் மூலம் நடிகையாக அறிமுகமான சாயிஷா, அதன் பின்னர் ’கடைக்குட்டி சிங்கம்’,’ஜூங்கா’, ’கஜினிகாந்த்’, ’காப்பான்’ உள்ளிட்ட சில படங்களில் நடித்தார். தெலுங்கு, ஹிந்தி, கன்னட படங்களிலும் நடித்த நிலையில், ’காப்பான்’ படத்தில் நடிக்கும் போது ஆர்யாவுக்கும் சாயிஷாவுக்கும் காதல் மலர்ந்தது. இதனை அடுத்து இருவரும் திருமணம் செய்து கொண்ட நிலையில், இந்த தம்பதிக்கு ஒரு பெண் குழந்தை உள்ளது.

இந்த நிலையில், திருமணத்திற்கு பின் நடிப்பதில் ஆர்வம் காட்டாமல் இருந்த சாயிஷா, சிம்பு நடித்த ’பத்து தல’ திரைப்படத்தில் ராவடி என்ற பாடலுக்கு மட்டும் நடனம் ஆடினார். அதன் பிறகு அவர் வேறு எந்த படங்களிலும் நடிக்கவில்லை.

இந்த நிலையில், இன்ஸ்டாகிராமில் ஆக்டிவாக இருக்கும் சாயிஷாவுக்கு நான்கு மில்லியனுக்கும் அதிகமான ஃபாலோயர்கள் உள்ளனர். அந்த வகையில், சற்றுமுன் அவர் பாலிவுட்டில் 2013 ஆம் ஆண்டு வெளியான ’ரேஸ் 2 ’படத்தில் இடம் பெற்ற ’லாட் லக் கையி’ என்ற பாடலுக்கு செம டான்ஸ் ஆடிய வீடியோவை வெளியிட்டுள்ளார்.

இந்த வீடியோவுக்கு ஒன்றரை லட்சத்திற்கும் அதிகமான லைக்குகள், ஏராளமான கமெண்ட்கள் குவிந்து வருகின்றன. இந்த டான்ஸ் பார்த்த ரசிகர்கள், "ராடி" பாடல் போல் மீண்டும் ஒரு பாடலுக்கு டான்ஸ் ஆடும் வாய்ப்பு சாயிஷாவுக்கு கிடைக்குமா?" என்று கேள்வி எழுப்பி வருகின்றனர்.

View this post on Instagram

A post shared by Sayyeshaa (@sayyeshaa)