சூப்பர் சிங்கர் பாடகருக்கு இன்ப அதிர்ச்சி கொடுத்த நடிகை சினேகா. வைரல் புகைப்படங்கள்..!
- IndiaGlitz, [Sunday,April 02 2023]
சூப்பர் சிங்கர் உள்ளிட்ட சின்னத்திரை நிகழ்ச்சிகளில் கலந்து கொள்ளும் போட்டியாளர்கள் பெரிய திரையிலும் ஜொலித்து இருக்கிறார்கள் என்பதும் அதுமட்டுமின்றி இன்றைய பெரிய திரை நட்சத்திரங்களின் நன்மதிப்பையும் பெற்று வருகிறார்கள் என்பதையும் பார்த்து வருகிறோம்.
அந்த வகையில் சின்னத்திரையில் சூப்பர் சிங்கர் என்ற நிகழ்ச்சியின் மூலம் பிரபலமான பாடகர் அரவிந்துக்கு நடிகை சினேகா இன்ப அதிர்ச்சி கொடுத்த புகைப்படங்கள் இணையதளங்களில் வைரல் ஆகி வருகின்றன.
சூப்பர் சிங்கர் அரவிந்த் என்றால் அந்த நிகழ்ச்சியை தொடர்ந்து பார்த்து வருபவர்களுக்கு தெரியாதவர்கள் இருக்க முடியாது. அந்த வகையில் அவரது குரல் வளம் அனைவரையும் கவர்ந்தது என்பதும் ரசிகர்கள் மட்டுமின்றி திரை உலக பிரபலங்களையும் கவர்ந்தது என்பது குறிப்பிடத்தக்கது. அந்த வகையில் சூப்பர் சிங்கர் அரவிந்த் குரலுக்கு சினேகா மற்றும் அவரது குடும்பத்தினர்களும் ரசிகர்கள் என்பது குறிப்பிடத்தக்கது.
இந்த நிலையில் பாடகர் அரவிந்த் சமீபத்தில் தனது பிறந்த நாளை கொண்டாடிய போது நடிகை சினேகா தனது கணவர் மற்றும் சகோதரியுடன் சென்று அரவிந்துக்கு இன்ப அதிர்ச்சி கொடுத்துள்ளார். அவர் அரவிந்துக்கு கேக் ஊட்டியதோடு அவரை கட்டிப்பிடித்து முத்தம் கொடுத்து வாழ்த்துக்கள் கூறிய புகைப்படங்கள் இணையதளங்களில் வைரல் ஆகி வருகின்றன.