பிரபல கவர்ச்சி நடிகையின் தாயார் காலமானார்
- IndiaGlitz, [Friday,November 10 2017]
'குசேலன்', 'குரு என் ஆளு', 'ஒன்பதுல குரு' உள்பட பல படங்களில் நடித்தவரும், 'கனிமொழி' என்ற படத்தை தயாரித்தவர் நடிகை சோனா. இவருடைய தாயார் இன்று அதிகாலை காலமானார். இந்த தகவலை நடிகை சோனா தனது சமூக வலைத்தளத்தில் உறுதி செய்துள்ளார்.
இதுகுறித்து நடிகை சோனா தனது சமூகவலைத்தளத்தில் கூறியிருப்பதாவது: இன்று அதிகாலை 12.40 மணிக்கு என் அன்புக்குரிய அம்மா காலமானார். அவரால் தான் எனக்கு பலம், தைரியம் கிடைத்தது. கடினமான காலங்களில் எப்படி நடந்து கொள்ள வேண்டும் என்று எனக்கு சொல்லி கொடுத்து எனக்கு ஆறுதலாக இருந்தவர் என் அம்மா. அவருடைய அன்பு எப்போது என் நினைவில் இருக்கும்' என்று அவர் பதிவு செய்துள்ளார்.
அம்மாவை இழந்து வாடும் சோனாவுக்கு திரையுலகினர்களும், சமூக வலைத்தள பயனாளிகளும் ஆறுதல் கூறி வருகின்றனர்.