மதுரையை அடுத்து கோவையிலும் 'சர்கார்; படத்தை எதிர்த்து போராட்டம்
- IndiaGlitz, [Thursday,November 08 2018]
தளபதி விஜய் நடித்த 'சர்கார்' திரைப்படம் ஏற்கனவே ஓப்பனிங் வசூலில் சாதனை செய்துள்ள நிலையில் இந்த படத்தின் வசூல், 'மெர்சல்' வசூல் சாதனையை முறியடிக்க தமிழக அரசியல்வாதிகள் உதவி செய்து கொண்டு வருகின்றனர்.
இந்த படத்தின் ஒருசில காட்சிகளை நீக்கவேண்டும் என்று தமிழக அமைச்சர்கள் கூறியதை அடுத்து அதிமுகவினர் இந்த படம் திரையிடும் தியேட்டர்கள் முன் ஆர்ப்பாட்டம் செய்ய ஆரம்பித்துவிட்டனர். இதனால் மதுரை சினிப்ப்ரியா காம்ப்ளக்ஸில் உள்ள மூன்று திரையரங்குகளிலும் இன்றைய மதிய காட்சிகள் ரத்தாகிவிட்டது.
இந்த நிலையில் மதுரையை அடுத்து கோவையிலும் அதிமுகவினர் ஆர்ப்பாட்டத்தை தொடங்கியுள்ளனர். கோவை ரயில் நிலையம் அருகேயுள்ள சாந்தி தியேட்டரில் சர்கார்' திரைப்படம் திரையிடப்பட்டுள்ள நிலையில் அந்த தியேட்டர் முன் குவிந்த அதிமுக தொண்டர்கள் சர்கார் பேனர்களை கிழித்து அதிமுகவினர் போராட்டம் நடத்தியதால் அந்த பகுதியில் பரபரப்பு ஏற்பட்டுள்ளது.