அதிமுக அவைத்தலைவர் மதுசூதனன் நீக்கம். புதிய அவைத்தலைவர் யார்?
- IndiaGlitz, [Friday,February 10 2017]
அதிமுக அவைத்தலைவர் மதுசூதனன் நேற்று முதல்வர் ஓபிஎஸ் அவர்களை நேரில் சந்தித்து தனது ஆதரவை தெரிவித்தார். ஓபிஎஸ் அவர்களே முதல்வராக நீடிக்கவேண்டும் என்றும் அது மறைந்த முதல்வர் ஜெயலலிதாவின் ஆசை என்றும் அவர் கூறினார்.
இந்நிலையில் சற்றுமுன்னர் சசிகலா பொதுச்செயலாளரானதை ஏற்கக் கூடாது என தேர்தல் ஆணையத்திற்கு மனு அளித்துள்ளதாக செய்தியாளர்களிடம் தெரிவித்தார். இதனால் சசிகலாவின் பொதுச்செயலாளர் பதவிக்கு ஆபத்து வரும் சூழல் ஏற்பட்டுள்ளது.
இந்நிலையில் மதுசூதனனுக்கு பதிலடி கொடுக்கும் வகையில் அவரை அதிமுக அவைத் தலைவர் பொறுப்பிலிருந்து சசிகலா நீக்கியுள்ளார். அதுமட்டுமின்றி மதுசூதனனை அதிமுகவின் அடிப்படை உறுப்பினர் மற்றும் அனைத்து பொறுப்புகளிலிருந்தும் சசிகலா நீக்கியுள்ளார். அவருக்கு பதிலாக புதிய அவைத்தலைவராக செங்கோட்டையன் நியமனம் செய்யப்பட்டிருப்பதாக தகவல்கள் வெளிவந்துள்ளது.
மதுசூதனன் - சசிகலா மாறி மாறி எடுத்து வரும் நடவடிக்கைகளால் இருவருக்கும் இடையே ஆடுபுலி ஆட்டம் ஆரம்பித்துள்ளதாக கூறப்படுகிறது.