விஜய் நடித்த "குஷி" திரைப்படத்தில் நடித்த நடிகர், 25 ஆண்டுகளுக்கு பிறகு, மீண்டும் விஜய் நடித்து வரும் ‘ஜனநாயகன்’ படத்தில் இணைந்துள்ளதாக வெளிவந்த தகவல், ரசிகர்களுக்கு ஆச்சரியத்தை ஏற்படுத்தியுள்ளது.

தளபதி விஜய் நடித்துவரும் ‘ஜனநாயகன்’ படத்தின் படப்பிடிப்பு விறுவிறுப்பாக நடைபெற்று வருகிறது. இது விஜய்யின் கடைசி படம் என கூறப்படும் நிலையில், இந்த படத்தை எச் வினோத் இயக்கி வருகிறார். மேலும், படப்பிடிப்பு விரைவில் முடிவடைந்து, இவ்வாண்டு இறுதியில் அல்லது அடுத்த ஆண்டு வெளியாவது என எதிர்பார்க்கப்படுகிறது.

இந்த நிலையில், இப்படத்தில் ஏற்கனவே ஒரு மிகப்பெரிய நட்சத்திரக் கூட்டம் நடித்துவருகிறது. குறிப்பாக, விஜய்யுடன் பூஜா ஹெக்டே ஜோடி சேர, பிரியாமணி, ஸ்ருதிஹாசன், மமிதா பாஜு, மோனிஷா, மௌனிகா ஜான், வரலட்சுமி உள்ளிட்ட பலர் முக்கிய கதாபாத்திரங்களில் நடித்து வருகின்றனர்.

இந்நிலையில், தற்போது ஒரு முக்கிய கதாபாத்திரத்தில் நிழல்கள் ரவி இணைந்துள்ளார். 2000 ஆம் ஆண்டு, விஜய் நடித்த "குஷி" திரைப்படத்தில், அவரின் தந்தை கதாபாத்திரத்தில் நடித்திருந்த நிழல்கள் ரவி, 25 ஆண்டுகளுக்குப் பிறகு மீண்டும் விஜய்யுடன் இணைந்து நடிக்கிறார் என்பது குறிப்பிடத்தக்கது.