தனுஷ் நடித்த 'வாத்தி’ திரைப்படத்தின் இசை வெளியீட்டு விழா சமீபத்தில் சென்னையில் மிகவும் பிரமாண்டமாக நடைபெற்றது என்பதும் இது குறித்த புகைப்படங்கள் வீடியோக்கள் இணையதளத்தில் வைரலானது என்பதையும் பார்த்தோம். இந்த நிலையில் தனுஷ் படத்தை அடுத்து சிம்புவின் ’பத்து தல’ படத்தின் இசை வெளியீட்டு விழா வரும் 18ஆம் தேதி நடைபெற இருப்பதாகவும் இது குறித்து அறிவிப்பு விரைவில் வெளியாகும் என்றும் கூறப்படுகிறது.

‘பத்து தல’ படத்தின் ஆடியோ விழாவை மிகவும் பிரமாண்டமாக நடத்த படக்குழுவினர் திட்டமிட்டுள்ளதாகவும் இதில் சில சிறப்பு விருந்தினங்களையும் அழைக்க வாய்ப்பு இருப்பதாகவும் கூறப்படுகிறது. சிம்பு தற்போது தாய்லாந்தில் இருக்கும் நிலையில் அவர் ’பத்து தல’ படத்தின் ஆடியோ விழாவிற்கு முன்பாக சென்னை வந்து விடுவார் என்றும் அதுமட்டுமின்றி இந்த படத்தை இசையமைப்பாளர் இசைப்புயல் ஏஆர் ரகுமான் அவர்கள் இந்த ஆடியோ விழாவில் சில பாடல்களை பாடுவார் என்று கூறப்படுகிறது.

மொத்தத்தில் மீண்டும் ஒரு பிரம்மாண்டமான ஆடியோ விழா விரைவில் நடைபெற உள்ளது என்பது உறுதி செய்யப்பட்டுள்ளது.

சிம்பு, கௌதம் கார்த்திக், ப்ரியா பவானி சங்கர் உள்பட பலரது நடிப்பில் உருவாகிய இந்த படத்தை சூர்யா ஜோதிகா நடித்த ’சில்லுனு ஒரு காதல்’ என்ற படத்தை இயக்கிய கிருஷ்ணா இயக்கி உள்ளார். வரும் மார்ச் 30ஆம் தேதி இந்த படம் வெளியாகும் என ஏற்கனவே அறிவிக்கப்பட்டுள்ளது என்பது குறிப்பிடத்தக்கது.