தளபதி விஜய் நடித்த ’கில்லி’ திரைப்படம் சமீபத்தில் ரீரிலீஸ் ஆகி மிகப்பெரிய வெற்றி பெற்ற நிலையில் விஜய்யின் இன்னொரு சூப்பர் ஹிட் படத்தின் ரீரிலீஸ் தேதி அதிகாரபூர்வமாக அறிவிக்கப்பட்டுள்ளது.

விஜய், த்ரிஷா நடிப்பில் தரணி இயக்கத்தில் உருவான ’கில்லி’ திரைப்படம் கடந்த 2004ஆம் ஆண்டு வெளியாகி மிகப்பெரிய வெற்றி பெற்ற நிலையில் சமீபத்தில் ரீரிலீஸ் செய்யப்பட்டது என்பதும் இந்த படம் 30 கோடி ரூபாய் வசூல் செய்து சாதனை செய்தது என்பது குறிப்பிடத்தக்கது. புதிதாக ரிலீசாகும் படங்கள் கூட செய்யாத வசூலை ரீரிலீஸ் படம் செய்திருப்பது திரை உலகினருக்கு பெரும் ஆச்சரியத்தை ஏற்படுத்தி இருந்தது.

இந்த நிலையில் ’கில்லி’ வெற்றியை அடுத்து விஜய்யின் இன்னொரு சூப்பர் ஹிட் திரைப்படமான ’துப்பாக்கி’ படத்தின் ரீரிலீஸ் தேதி தற்போது அதிகாரப்பூர்வமாக அறிவிக்கப்பட்டுள்ளது. இந்த படம் வரும் 21ஆம் தேதி திரையரங்குகளில் வெளியாகும் என படக்குழு அறிவித்துள்ள நிலையில் விஜய் ரசிகர்கள் குஷியாகி உள்ளனர். ’கில்லி’ படத்தை அடுத்து ’துப்பாக்கி’ படமும் சொல்லி அடிக்கும் வெற்றி படமாக இருக்கும் என்று விஜய் ரசிகர்கள் தெரிவித்து வருகின்றனர்.

விஜய், காஜல் அகர்வால், ஜெயராம் உள்பட பலர் நடிப்பில் உருவான ’துப்பாக்கி’ திரைப்படத்தை ஏஆர் முருகதாஸ் இயக்கி இருந்தார் என்பதும் ஹாரிஸ் ஜெயராஜ் இசையில் உருவான இந்த படத்தை கலைப்புலி எஸ் தாணு தயாரித்திருந்தார் என்பது குறிப்பிடத்தக்கது.