மே 10ல் ரிலீஸ் ஆகும் கவின், சந்தானம் படம்.. இன்னொரு படமும் அதே நாளில் ரிலீஸ்.. இன்று மாலை டிரைலர்..!
- IndiaGlitz, [Monday,April 29 2024]
கவின் நடித்த ’ஸ்டார்’ மற்றும் சந்தானம் நடித்த ’இங்க நான் தான் கிங்கு’ ஆகிய படங்கள் மே 10ஆம் தேதி வெளியாக இருக்கும் நிலையில் அதே நாளில் இன்னொரு இளம் நடிகரின் படம் ரிலீஸ் ஆகவுள்ளதாக அறிவிக்கப்பட்டுள்ளது. மேலும் இந்த படத்தின் டிரைலர் இன்று மாலை 5 மணிக்கு என்றும் .அறிவிக்கப்பட்டுள்ளது.
ஒவ்வொரு வாரமும் வெள்ளிக்கிழமை புதிய திரைப்படங்கள் ரிலீஸ் ஆகி வரும் நிலையில் வரும் வெள்ளிக்கிழமை சுந்தர் சி, தமன்னா, ராஷி கண்ணாவின் ’அரண்மனை 4’ திரைப்படம் வெளியாக உள்ளது என்பதும் இந்த படத்தின் ப்ரோமோஷன் பணிகள் விறுவிறுப்பாக நடைபெற்று வருகிறது என்பதையும் பார்த்து வருகிறோம்.
இந்த நிலையில் அடுத்த வாரம் அதாவது மே 10ஆம் தேதி கவின் நடித்த ’ஸ்டார்’ மற்றும் சந்தானம் நடித்த ’இங்க நான் தான் கிங்கு’ ஆகிய படங்கள் ரிலீஸ் ஆகவுள்ளன என்பதும் இந்த இரண்டு படங்களின் டிரைலர்கள் கடந்த வாரம் வெளியாகி மிகப்பெரிய வரவேற்பை பெற்றதால் இந்த படத்தின் இந்த இரண்டு படங்களுக்கும் நல்ல எதிர்பார்ப்பு ஏற்பட்டுள்ளது என்பது குறிப்பிடத்தக்கது.
இந்த நிலையில் தற்போது அதே மே 10ஆம் தேதி அர்ஜுன் தாஸ் நடித்த ‘ரசவாதி என்ற திரைப்படம் ரிலீஸ் ஆக இருப்பதாக அறிவிக்கப்பட்டுள்ளது. அருள்நிதி நடித்த ’மௌனகுரு’ படத்தை இயக்கிய சாந்தகுமார் இயக்கத்தில் உருவாகியுள்ள இந்த படத்தின் டிரைலர் இன்று மாலை 5 மணிக்கு வெளியாகும் என்று அறிவிக்கப்பட்டுள்ளது
இயக்குனர் சாந்தகுமார் தயாரித்து இயக்கும் இந்த படம் தமன் இசையில் உருவாகியுள்ளது. மேலும் இந்த படத்தில் அர்ஜுன் தாஸ் ஜோடியாக தன்யா ஹோப் நடித்துள்ளார். ரம்யா சுப்பிரமணியன், ஜிஎம் சுந்தர் உள்ளிட்ட பலர் நடித்துள்ள இந்த படத்தை இயக்குனர் சாந்தகுமார் தயாரித்துள்ளார். இந்த படத்திற்கு சரவணன் இளவரசு ஒளிப்பதிவும், சாபு ஜோசப் படத்தொகுப்பு செய்துள்ளனர்.