‘தக்லைஃப்’ திரைப்படத்தில் குஷ்புவின் மகள் உதவி இயக்குனராக பணிபுரிந்தார் என்ற செய்தியை சமீபத்தில் பார்த்தோம். இந்த நிலையில், தற்போது இன்னொரு பிரபல நடிகரின் மகளும் இதே படத்தில் உதவி இயக்குனராக பணிபுரிந்து உள்ளார் என்ற செய்தி ரசிகர்களுக்கு அதிர்ச்சி ஏற்படுத்தியுள்ளது.

உலகநாயகன் கமல்ஹாசன் நடிப்பில், மணிரத்னம் இயக்கத்தில், ஏ ஆர் ரஹ்மான் இசையில் உருவான ‘தக்லைஃப்’ திரைப்படம் சமீபத்தில் வெளியாகி கலவையான விமர்சனத்தை பெற்றது.

இந்த நிலையில், கடந்த சில நாட்களுக்கு முன்பு நடிகை குஷ்பூ தனது சமூக வலைதளத்தில் ‘தக்லைஃப்’ திரைப்படத்தில் தனது மகள் சில மாதங்கள் உதவி இயக்குனராக பணிபுரிந்து இருந்தார் என்றும், அந்த அனுபவம் அவருக்கு வாழ்க்கையில் மிகப்பெரிய அளவில் உதவியாக இருக்கும் என்றும் தெரிவித்திருந்தார்.

இது தொடர்ந்து, குஷ்பூ மகளை அடுத்து, தற்போது நடிகர் ரகுமானின் மகள் அலிஷாவும், இந்த படத்தில் உதவி இயக்குனராக பணிபுரிந்துள்ளதாக தெரிகிறது. இந்த தகவலை அவர் தனது இன்ஸ்டாகிராம் பக்கத்தில் தெரிவித்துள்ளார்.

“சாந்தி.. இந்த வாய்ப்பை கொடுத்த மணி சார் அவர்களுக்கு எனது மிகப்பெரிய நன்றி” என்று அவர் தெரிவித்துள்ளார். இதனை அடுத்து, அவருடைய இந்த பதிவுக்கு அவரது சித்தப்பா ஏஆர் ரஹ்மான் “பெஸ்ட் ஆப் லக் டியர், காட் பிளஸ்” என வாழ்த்து தெரிவித்துள்ளார்.

அதேபோல், ஏ ஆர் ரஹ்மானின் மகள் கதீஜா ரஹ்மான், ஜிவி பிரகாஷின் தங்கை பவானி ஸ்ரீ உட்பட பலரும் அவருக்கு வாழ்த்துக்கள் தெரிவித்துள்ளனர்.

மேலும், ‘தக்லைஃப்’ படத்தில் உதவி இயக்குனராக மட்டுமின்றி நாசர் மகள் என்ற சிறிய கேரக்டரிலும் அலிஷா நடித்திருந்தார் என்பது குறிப்பிடத்தக்கது. தொடர்ந்து, அவர் நடிப்பு மற்றும் உதவி இயக்குனர் பணிகளை தொடர்வார் என்று எதிர்பார்க்கப்படுகிறது.

View this post on Instagram

A post shared by AR (@alisharrahman)