புகழை அடுத்து பிஎம்டபிள்யூ கார் வாங்கிய 'குக் வித் கோமாளி' பிரபலம்: வைரல் வீடியோ
- IndiaGlitz, [Saturday,March 27 2021]
‘குக் வித் கோமாளி நிகழ்ச்சியில் கலந்து கொண்ட ‘குக்’களும் கோமாளிகளும் ஏற்கனவே பல தொலைக்காட்சி நிகழ்ச்சிகளில் கலந்து கொண்டவர்கள் தான் என்றாலும் இந்த நிகழ்ச்சி அவர்களுக்கு மிகப்பெரிய பிரபலத்தை ஏற்படுத்திக் கொடுத்து உள்ளது என்பதும் அதுமட்டுமின்றி புகழ், ஷிவாங்கி, பவித்ரா, தர்ஷா உள்பட ஒருசிலருக்கு திரைப்பட வாய்ப்புகளும் இந்த நிகழ்ச்சியின் பிரபலத்தால் கிடைத்துள்ளது என்பதும் குறிப்பிடத்தக்கது.
இந்த நிலையில் கடந்த சில நாட்களுக்கு முன்னர் ‘குக் வித் கோமாளி’ புகழ் புதிய கார் ஒன்றை வாங்கினார் என்பதும், எங்கள் பரம்பரையிலேயே கார் வாங்கிய முதல் நபர் நான் தான் என்று அவர் தனது சமூக வலைத்தளத்தில் நெகிழ்ச்சியுடன் குறிப்பிட்டிருந்தார் என்பதும் தெரிந்ததே.
இந்த நிலையில் தற்போது புகழை அடுத்து ‘குக் வித் கோமாளி நிகழ்ச்சியின் நடுவர்களில் ஒருவரான வெங்கடேஷ் பட், புதிய பிஎம்டபிள்யூ கார் வாங்கியுள்ளார். இந்த நிகழ்ச்சியில் கலந்து கொண்ட கோமாளிகளில் ஒருவரான தங்கதுரை தனது இன்ஸ்டாகிராம் பக்கத்தில் இது குறித்த வீடியோவை பதிவு செய்துள்ளார். இந்த வீடியோவில் செஃப் வெங்கடேஷ் பட் அவர்கள் புதிய பிஎம்டபிள்யூ கார் வாங்கி இருப்பதாக அவர் குறிப்பிட்டுள்ளார். அந்த காரில் தங்கதுரை, வெங்கடேஷ் பட், பப்பு, ரக்சன் ஆகியோர் ரைட் செய்யும் காட்சிகளும் உள்ளன.