கமல்ஹாசனின் 'தக்லைஃப்' படம் மட்டுமல்ல, இன்னொரு படத்திலும் இணையும் துல்கர் சல்மான்?
- IndiaGlitz, [Saturday,May 04 2024]
உலகநாயகன் கமல்ஹாசன் நடித்து வரும் ‘தக்லைஃப்’ திரைப்படத்தில் துல்கர் சல்மான் ஒரு முக்கிய கேரக்டரில் நடித்து வரும் நிலையில் கமல்ஹாசனின் இன்னொரு படத்திலும் அவர் கௌரவத் தோற்றத்தில் நடிக்க இருப்பதாக கூறப்படுகிறது.
கமல்ஹாசன் நடிப்பில் மணிரத்னம் இயக்கத்தில் உருவாகி வரும் ‘தக்லைஃப்’ படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் துல்கர் சல்மான் மற்றும் ஜெயம் ரவி ஆகிய இருவரும் முக்கிய கேரக்டர்களில் நடித்து வந்தனர்.
இந்த நிலையில் இந்த படத்தில் இருந்து இருவரும் கால்ஷீட் காரணமாக விலகுவதாக கூறப்பட்ட நிலையில் அதன் பின்னர் மீண்டும் இந்த படத்தில் இணைந்து கொண்டனர் என்றும் இருவர் காட்சிகளின் படப்பிடிப்பு மிக விரைவில் நடக்கும் என்றும் கூறப்பட்டது.
இந்த நிலையில் ‘தக்லைஃப்’ படத்தின் படப்பிடிப்பு ஒரு பக்கம் விறுவிறுப்பாக நடைபெற்றுக் கொண்டிருக்கும் நிலையில் கமல்ஹாசன் நடித்து வரும் இன்னொரு திரைப்படம் ’கல்கி 2898 ஏடி’ என்பதும் இந்த படத்தில் அவர் வில்லனாக நடித்துள்ளார் என்பதும் தெரிந்தது. இந்த நிலையில் இந்த படத்தில்தான் துல்கர் சல்மான் கவுரவ தோற்றத்தில் நடிக்க இருப்பதாகவும் அவர் நடிக்க இருக்கும் தகவலை மிக விரைவில் அதிகாரப்பூர்வமாக படக்கூடியதாக தெரிவிப்பார்கள் என்றும் கூறப்படுகிறது.
சுமார் 600 கோடி ரூபாய் பட்ஜெட்டில் பிரம்மாண்டமாக உருவாகும் இந்த படத்தில் பிரபாஸ், அமிதாப்பச்சன், கமல்ஹாசன், தீபிகா படுகோன், திஷா பதானி, பசுபதி உள்ளிட்டோர் நடித்து வரும் நிலையில் இந்த படத்தில் துல்கர் சல்மான் இணைவது படத்தின் எதிர்பார்ப்பை அதிகரித்து உள்ளது என்பது குறிப்பிடத்தக்கது.
சந்தோஷ் நாராயணன் இசையில் உருவாகி வரும் இந்த படம் ஜூன் 27ஆம் தேதி வெளியாகும் என்று அறிவிக்கப்பட்டுள்ள நிலையில் இந்த படத்தின் புரோமோஷன் பணிகள் விரைவில் தொடங்கும் என்று எதிர்பார்க்கப்படுகிறது.