சமீபத்தில் அதிமுகவின் இரு அணிகளான ஓபிஎஸ், ஈபிஎஸ் அணிகள் இணைந்துள்ள நிலையில் கடந்த சில நாட்களாக தமிழக அரசியல் பரபரப்பாக உள்ளது. தினகரன் அணியினர் எந்த நேரமும் ஆட்சியை கவிழ்க்கலாம் என்ற நிலையில், சசிகலாவை கட்சியில் இருந்தும், பொதுச்செயலாளர் பதவியில் இருந்தும் நீக்க விரைவில் கட்சியின் பொதுக்குழு கூடவுள்ளதாக கூறப்பட்டது.

இந்த நிலையில் சற்று முன்னர் பொதுக்குழு கூடும் தேதி, நேரம், இடம் குறித்த அதிகாரபூர்வ அறிவிப்பு வெளியாகியுள்ளது. அதிமுகவின் பொதுக்குழு வரும் செப்டம்பர் 12ஆம் தேதி சென்னை வானகரத்தில் உள்ள ஸ்ரீவாரு வெங்கடாசலபதி பேல\ஸ் மண்டபத்தில் காலை 10.35 மணிக்கு கூடவுள்ளதாகவும், இந்த பொதுக்குழுவிற்கு அனைத்து செயற்குழு மற்றும் பொதுக்குழு உறுப்பினரகள் தவறாது அழைப்பிதழுடன் கலந்து கொள்ள வேண்டும் என்றும் அறிவிக்கப்பட்டுள்ளது.

அவைத்தலைவர் மதுசூதனன் அவர்கள் தலைமையில் நடைபெறும் இந்த பொதுக்குழுவில் சசிகலா கட்சியில் இருந்தும், பொதுச்செயலாளர் பதவியில் இருந்தும் நீக்கப்படுவாரா? என்பதை பொறுத்திருந்து பார்ப்போம்