ஹீரோயினாக அறிமுகமாகும் பிரபல விஜே நடிகை!
- IndiaGlitz, [Saturday,December 11 2021]
பிரபல தனியார் தொலைக்காட்சியில் “வணக்கம் தமிழகம்“ எனும் நிகழ்ச்சியை தொகுத்து வழங்கியவர் ஐஸ்வர்யா முத்துசிவம். இவர் சமீபத்தில் “ஆத்மிகா“ எனும் திரைப்படத்தில் நடித்து முடித்துள்ளார். சென்னை மற்றும் கொடைக்கானல் பகுதிகளில் படப்பிடிப்பு நடைபெற்ற இந்தப் படம் விரைவில் ரிலீசுக்கு வரும் எனவும் எதிர்ப்பார்க்கப் படுகிறது.
பிரபல தொலைக்காட்சி நிகழ்ச்சிகளில் தொகுப்பாளினியாக பணியாற்றி வந்த ஐஸ்வர்யா முதல் முறையாக ஹீரோயினாக நடித்துள்ளார். விருதுபெற்ற குறும்படங்களை உருவாக்கிய தாமோதரன் செல்வக்குமார் இயக்கத்தில் “ஆத்மிகா“ எனும் திரைப்படத்தில் அவர் நடித்து முடித்துள்ளார்.
மேலும் இந்தத் திரைப்படத்தில் வெற்றிவேல் படத்தில் சசிகுமாரின் தம்பியாக நடித்துள்ள ஆனந்த்நாத் என்பவர் ஹீரோவாக அறிமுகமாகி இருக்கிறார். இவர் “பிரேமம்“, “நேரம்“ போன்ற திரைப்படங்களில் முக்கியக் கதாபாத்திரத்தில் நடித்திருந்தார். இந்நிலையில் குறும்படங்களில் மட்டுமே பணியாற்றி தற்போது இயக்குநராக அவதாரம் எடுத்திருக்கும் தாமோதரன் செல்வக்குமார் இயக்கத்தில் ஐஸ்வர்யா முத்துசிவம், ஆனந்த்நாத் ஆகியோர் தங்களது புதிய பயணத்தை துவங்கியுள்ளதும் குறிப்பிடத்தக்கது.