சசிகுமார்-ஹன்சிகா படத்தில் இன்னொரு பிரபல நாயகி
- IndiaGlitz, [Saturday,March 18 2017]
பிரபல இயக்குனர் முத்தையா இயக்கத்தில் சசிகுமார் 'கொடிவீரன்' என்ற படத்தில் நடித்து வருகிறார் என்பதும் அவருக்கு ஜோடியாக முதல்முறையாக ஹன்சிகா நடிக்கவுள்ளார் என்பதையும் ஏற்கனவே பார்த்தோம். இந்த படத்தின் படப்பிடிப்பு சமீபத்தில் தொடங்கி சிவகெங்கை அருகில் உள்ள கிராமம் ஒன்றில் நடந்து வருகிறது.
இந்நிலையில் இந்த படம் அண்ணன் - தங்கை உறவுக்கு முக்கியத்துவம் கொடுத்து உருவாகி வரும் படம் என்றும், சசிகுமாரின் தங்கையாக பிரபல நடிகை ஐஸ்வர்யா ராஜேஷ் நடிக்கவுள்ளதாகவும் படக்குழுவினர்களிடம் இருந்து தகவல் வெளிவந்துள்ளது. கோலிவுட் திரையுலகில் முன்னணி இடத்தை நோக்கி சென்று கொண்டிருக்கும் ஐஸ்வர்யா ராஜேஷ் , தங்கை வேடத்தை ஏற்றதற்கு காரணம், இந்த படத்தின் கதையில் தங்கை கேரக்டருக்கு முக்கியத்துவம் கொடுத்தது தான் என்று கூறப்படுகிறது.
ரகுநந்தன் இசையில் வேல்ராஜ் ஒளிப்பதிவில் உருவாகி வரும் இந்த படத்தை சசிகுமாரின் 'கம்பெனி புரொடக்ஷன்ஸ் நிறுவனம் தயாரித்து வருகிறது.