இன்று முதல் 'லால் சலாம்' படப்பிடிப்பு.. யார் யார் கலந்து கொண்டார்கள் தெரியுமா?
- IndiaGlitz, [Tuesday,March 07 2023]
ஐஸ்வர்யா ரஜினிகாந்த் இயக்கத்தில் உருவாகும் ’லால் சலாம்’ என்ற திரைப்படத்தின் அறிவிப்பு சமீபத்தில் வெளியான நிலையில் இந்த படத்தின் படப்பிடிப்பு இன்று முதல் தொடங்கியுள்ளதாக தகவல் வெளியாகியுள்ளன.
தமிழ் திரை உலகின் இளைய தலைமுறை நடிகர்களான விக்ராந்த் மற்றும் விஷ்ணு விஷால் முக்கிய கேரக்டரில் நடிக்கும் இந்த படம் கிரிக்கெட் விளையாட்டு கதையம்சம் கொண்டது என்றும் இருவருமே சிசிஎல் கிரிக்கெட் போட்டிகளில் விளையாடிய அனுபவம் இருக்கிறது என்பதால் இந்த படத்திற்கு தேர்வு செய்யப்பட்டார்கள் என்பதும் குறிப்பிடத்தக்கது.
மேலும் இந்த படத்தில் சூப்பர் ஸ்டார் ரஜினிகாந்த் சிறப்பு தோற்றத்தில் நடிக்க இருப்பதாகவும் அவருடைய தங்கையாக நடிகை ஜீவிதா நடிக்கவுள்ளதாகவும் தெரிகிறது. 33 வருடங்கள் கழித்து தமிழ் திரைப்படத்தில் ஜீவிதா ரீஎண்ட்ரி ஆகிறார் என்பது குறிப்பிடத்தக்கது.
லைகா நிறுவனத்தின் பிரமாண்டமான தயாரிப்பில் இசைப்புயல் ஏஆர் ரகுமான் இசையில் உருவாகும் இந்த படத்தின் படப்பிடிப்பில் ‘ஜெயிலர்’ படத்தின் படப்பிடிப்பு முடிந்ததும் ரஜினிகாந்த் கலந்து கொள்வார் என்று எதிர்பார்க்கப்படுகிறது.