'அஜித் 61' படத்தின் டைட்டில் இதுவா? மீண்டும் 'V' செண்டிமெண்ட்?
- IndiaGlitz, [Friday,March 04 2022]
அஜித் நடித்த ’வலிமை’ திரைப்படம் ஒரு பக்கம் திரையரங்குகளில் வசூலை குவித்து வரும் நிலையில் இன்னொரு பக்கம் அவர் நடிக்க இருக்கும் அடுத்த திரைப்படமான ’அஜித் 61’ படத்தின் தகவல்கள் அவ்வப்போது கசிந்து வருகின்றன.
’அஜித் 61’ படத்தின் பூஜை மார்ச் 9ஆம் தேதியும் மார்ச் 18-ம் தேதி படப்பிடிப்பு தொடங்கும் என்றும் செய்திகள் வெளியாகிக் கொண்டிருக்கின்றன. இந்த படத்திற்காக பிரமாண்டமாக சென்னை அண்ணா சாலை செட் அமைக்கும் பணியும் நடைபெற்று வருகிறது.
இந்த நிலையில் ’வலிமை’ படத்தின் டைட்டிலை அந்த படத்தின் பூஜை அன்றே படக்குழுவினர் அறிவித்தது போலவே இந்த படத்தின் டைட்டிலையும் பூஜை அன்றே அறிவிக்க இருப்பதாக வெளிவந்த செய்தியை ஏற்கனவே பார்த்தோம். இந்த நிலையில் ’அஜித் 61’ படத்தின் டைட்டில் ’வல்லமை’ வைக்கப்பட்டுள்ளதாக தகவல்கள் வெளியாகியுள்ளன
கடந்த சில ஆண்டுகளாக அஜித்தின் திரைப்படங்கள் வீரம், விவேகம், விஸ்வாசம், வலிமை, என ’V’ சென்டிமென்ட்டில் வந்து கொண்டிருக்கும் நிலையில் அதே வரிசையில் தற்போது ’வல்லமை’ என்ற டைட்டில் வைக்கப்பட்டுள்ளதாக கூறப்படுகிறது.