நடிகர் அஜித்குமார் நடித்த 'விடாமுயற்சி' மற்றும் ’குட் பேட் அக்லி’ ஆகிய இரண்டு திரைப்படங்கள் அடுத்தடுத்து வெளியான நிலையில், அவருடைய அடுத்த படத்தை ஆதிக் ரவிச்சந்திரன் இயக்க இருப்பதாகவும், இந்த படம் குறித்த அறிவிப்பு விரைவில் வெளியாகும் என்றும் கூறப்பட்டது.

மேலும், இந்த படத்தை பிரமாண்டமாக வேல்ஸ் பிலிம்ஸ் நிறுவனத்தின் ஐசரி கணேஷ் தயாரிக்க இருப்பதாகவும் தகவல் வெளியானது. இந்நிலையில், இந்த படம் குறித்த கூடுதல் தகவல்கள் தற்போது கசிந்துள்ளன.

அஜித்தின் 64வது படமான 'AK64'இன் மொத்த பட்ஜெட் கிட்டத்தட்ட 300 கோடி ரூபாய் என்று கூறப்படுகிறது. இதில், அஜித்தின் சம்பளம் மட்டுமே 180 கோடி என்றும், ஆதிக் ரவிச்சந்திரன் சம்பளம் 12 கோடி என்றும் தெரிகிறது. கிட்டத்தட்ட இவர்கள் இருவரின் சம்பளமே 200 கோடியை நெருங்கிவிட்டது என்பது குறிப்பிடத்தக்கது.

இந்த படத்தின் படப்பிடிப்பு வரும் நவம்பர் மாதம் தொடங்க இருப்பதாகவும், அடுத்த ஆண்டு கோடை விடுமுறையில் இந்தப் படம் வெளியாக அதிக வாய்ப்பு இருப்பதாகவும் தகவல்கள் தெரிவிக்கின்றன.