அஜித்-ஷாலினியின் 22வது திருமண நாள்: வாழ்த்துக்களை குவிக்கும் ரசிகர்கள்
- IndiaGlitz, [Sunday,April 24 2022]
நடிகர் அஜித் மற்றும் ஷாலினியின் 22 வது திருமண நாள் இன்று கொண்டாடப்பட்டு வரும் வரையில் ரசிகர்கள் அவர்களுக்கு வாழ்த்துக்களை தெரிவித்து வருகின்றனர்.
தமிழ் சினிமாவின் மாஸ் நடிகர்களில் ஒருவரான அஜித், சரண் இயக்கிய ‘அமர்க்களம்’ என்ற திரைப்படத்தில் நடித்துக் கொண்டிருக்கும்போது ஷாலினியுடன் காதல் வயப்பட்டார். அதன்பிறகு இரு தரப்பு பெற்றோர்களின் சம்மதத்துடன் கடந்த 2000ம் ஆண்டு ஏப்ரல் 24ஆம் தேதி அஜித்-ஷாலினி திருமணம் நடைபெற்றது.
இன்றுடன் அஜித்-ஷாலினி நட்சத்திர தம்பதிகளுக்கு திருமண நடந்து 22 ஆண்டுகள் நிறைவடைந்ததை அடுத்து ரசிகர்கள் இந்த தம்பதிகளுக்கு வாழ்த்துக்களை தெரிவித்து வருகின்றனர். இதுகுறித்த ஹேஷ்டேக்குகளை டுவிட்டர் உள்ளிட்ட சமூக வலைதளங்களில் ரசிகர்கள் வைரலாக்கி வருகின்றனர். மேலும் அஜித்-ஷாலினி திருமணத்தின் அரிய புகைப்படங்களையும் ரசிகர்கள் பகிர்ந்து வருகின்றனர்.
அஜித்-ஷாலினி நட்சத்திர தம்பதிக்கு அனோஷ்கா, ஆத்விக் ஆகிய இரண்டு குழந்தைகள் உள்ளனர் என்பது குறிப்பிடத்தக்கது.