ஐதராபாத்தில் இருந்து சென்னைக்கு பைக் பயணம் செய்த தல அஜித்!
- IndiaGlitz, [Monday,April 20 2020]
தல அஜித் நடிப்பில் எச்.வினோத் இயக்கத்தில் போனிகபூர் தயாரித்த வரும் ’வலிமை’ படத்தின் முதல் கட்ட படப்பிடிப்பு சமீபத்தில் ஐதராபாத்தில் முடிவடைந்தது என்பது தெரிந்ததே. இந்த நிலையில் ஹைதராபாத்தில் படப்பிடிப்பை முடித்துவிட்டு சென்னைக்கு தல அஜித் பைக்கிலேயே வந்த தகவல் தற்போது தெரியவந்துள்ளது.
‘வலிமை’ படப்பிடிப்பு ஐதராபாத்தில் முடிந்தவுடன் அஜித் சென்னைக்கு திரும்ப விமான டிக்கெட் தயாராக இருந்த நிலையில் அஜீத் தனது உதவியாளரிடம் விமான டிக்கெட்டை கேன்சல் செய்ய சொல்லிவிட்டு, ஹைதராபாத்திலிருந்து சென்னைக்கு பைக்கிலேயே வந்து உள்ளார். அஜித்தின் உதவியாளர் அவருடைய லக்கேஜ் எல்லாம் எடுத்துக் கொள்ள, சாலை வழியே அவர் சென்னை வந்தடைந்துள்ளார்.
அஜித் ஒரு பைக் பிரியர் என்பது தெரிந்ததுதான் என்பதும் நீண்ட தூரம் பைக் ரைடிங் செய்வதில் அவருக்கு விருப்பம் அதிகம் என்பதும் தெரிந்ததே. அந்த வகையில் சமீபத்தில் அவர் செய்த நீண்ட பைக் ரைடிங் அதாவது சுமார் 600கிமீ பைக்கில் பயணம் செய்தது இதுதான் என்பது குறிப்பிடத்தக்கது.
இந்த நிலையில் கொரோனா வைரஸ் பரபரப்பு முடிந்த பின்னர் ’வலிமை’ படத்தின் அடுத்த கட்ட படப்பிடிப்பு தொடங்கும் என்று எதிர்பார்க்கப்படுகிறது. போலீஸ் அதிகாரியாக அஜித் நடிக்கும் இந்த படத்தில் ஹீமா குரேஷி நாயகியாக நடிக்கிறார் என்பதும் கார்த்திகேயா இந்த படத்தில் வில்லனாக நடித்து வருகிறார் என்பது குறிப்பிடத்தக்கது.