அஜித் நடிப்பில், ஆதிக் ரவிச்சந்திரன் இயக்கத்தில் உருவாகிய ‘குட் பேட் அக்லி’ திரைப்படம், வரும் ஏப்ரல் 10 ஆம் தேதி வெளியாக உள்ள நிலையில், இந்த படத்தின் சிங்கிள் பாடல் சற்றுமுன் வெளியாகி, இணையத்தில் வைரலாகி வருகிறது.

ஏற்கனவே, இந்த பாடலின் புரோமோ வீடியோ நேற்று வெளியான போது, அது பெரும் எதிர்பார்ப்பை ஏற்படுத்தியது. தற்போது, அந்த எதிர்பார்ப்பை தாண்டி, இந்த பாடல் அஜித் ரசிகர்கள் மத்தியில் பெரும் வரவேற்பை பெற்றுள்ளது.

ஜி.வி. பிரகாஷ் கம்போஸ் செய்த இந்த பாடலை, ஜி.வி. பிரகாஷ் மற்றும் இயக்குனர் ஆதிக் ரவிச்சந்திரன் பாடியுள்ளனர். பாடலின் வரிகளை விஷ்ணு எடாவன் எழுதியுள்ளார்.

இந்த பாடல் முதல் முறையாக கேட்கும் போது, அது மிகுந்த ஆவேசத்துடன் இருப்பதாகவும், பாடல் வரிகள் ஒவ்வொன்றும் கலக்கலாக இருப்பதாகவும் ரசிகர்கள் கருத்து தெரிவித்து வருகின்றனர்.

நிச்சயமாக, இந்த பாடல் திரையரங்கில் திரையிடப்படும் போது, ரசிகர்கள் எழுந்து ஆட்டம் போடுவார்கள் என்றும், அந்த அளவுக்கு ரசிகர்களின் உற்சாகத்தை தூண்டும் வகையில் இந்த பாடல் இருப்பதாகவும் கூறப்படுகிறது. மொத்தத்தில், இந்த பாடல் சூப்பர் ஹிட் என்பது உறுதி செய்யப்பட்டுள்ளது! இந்த பாடலின் முதல் சில வரிகள் இதோ:

திரையரங்கம் சிதறட்டும்,
இவன் பெயர் முழங்க கலங்கட்டும்,
பொடிசுங்களா கதறட்டும்,
விசில் பறக்கட்டும்

நரகத்துக்கே தெரியட்டும்
அது எமனுக்குமே புரியட்டும்
உலகத்துக்கே கேட்கட்டும்
செவி கிழியட்டும்

அஜித், த்ரிஷா, பிரசன்னா, சுனில், ராகுல் தேவ் உள்ளிட்ட பலர் நடிப்பில் உருவாகி வரும் இந்த படத்திற்கு ஜிவி பிரகாஷ் இசையமைத்து வருகிறார். அபிநந்தன் ராமானுஜம் ஒளிப்பதிவில், விஜய் வேலுக்குட்டி படத்தொகுப்பில் உருவாகி வரும் இந்த படத்தை மைத்ரி மூவி மேக்கர்ஸ் நிறுவனம் பிரமாண்டமாக தயாரித்து வருகிறது.