close
Choose your channels

சீனாவில் ரிலீஸ் ஆகுமா அஜித்தின் 'நேர் கொண்ட பார்வை'?

Monday, July 22, 2019 • தமிழ் Comments

அஜித் நடித்த 'நேர்கொண்ட பார்வை' திரைப்படம் வரும் ஆகஸ்ட் 8ம் தேதி உலகம் முழுவதும் பிரமாண்டமாக ரிலீஸ் ஆக உள்ளது

இந்த நிலையில் இந்த படத்தை சீனாவிலும் வெளியிட தயாரிப்பாளர் போனி கபூர் திட்டமிட்டுள்ளதாக தகவல்கள் வெளிவந்துள்ளது. ஏற்கனவே போனிகபூர் தயாரிப்பில் ஸ்ரீதேவி நடித்த 'மாம்' திரைப்படம் சீனாவில் வெளியாகியுள்ளது என்பதும் இந்த படம் சீனாவில் 16 மில்லியன் டாலர் வசூல் செய்தது என்பதும் குறிப்பிடத்தக்கது

இதுகுறித்து பேட்டி ஒன்றில் தெரிவித்த போனிகபூர், 'சீனாவில் நல்ல கருத்துக்கள் கொண்ட திரைப்படத்திற்கு வரவேற்பு இருக்கும் என்றும், 'நேர் கொண்ட பார்வை' படத்தின் கதை உலகம் முழுவதிலும் உள்ள பெண்களுக்கும் பொருந்தும் என்பதால் இந்த படத்தை சீனாவில் ரிலீஸ் செய்ய முயற்சிக்கவுள்ளதாகவும், ஆகஸ்ட் 8ஆம் தேதி இந்தியாவில் ரிலீஸ் செய்தபின்னர், சீன ரிலீஸ் குறித்த முயற்சிகள் மேற்கொள்ளப்படும் என்றும் போனிகபூர் தெரிவித்தார்.

ஏற்கனவே ரஜினியின் '2.0' திரைப்படத்தை சீனாவில் ரிலீஸ் செய்ய முயற்சிகள் நடந்து கொண்டிருக்கும் நிலையில் தற்போது அஜித்தின் நேர் கொண்ட பார்வை' திரைப்படமும் சீனாவில் ரிலீஸ் செய்ய திட்டமிடப்பட்டுள்ளது என்பது குறிப்பிடத்தக்கது

Get Breaking News Alerts From IndiaGlitz