யாஷ் நடிக்கும் படத்தில் இணையும் 'வலிமை' நடிகை.. நயன்தாரா உண்டா? இல்லையா?
- IndiaGlitz, [Sunday,May 12 2024]
’கேஜிஎஃப்’ நடிகர் யாஷ் நடிக்கும் ’டாக்ஸிக்’ திரைப்படத்தில் நயன்தாரா ஒரு முக்கிய கேரக்டரில் நடிக்க இருப்பதாக செய்திகள் வெளியான நிலையில் தற்போது அஜித்தின் ’வலிமை’ படத்தில் நடித்த நடிகை இணைய இருப்பதாக கூறப்படுகிறது.
’கேஜிஎஃப்’ மற்றும் ’கேஜிஎப் 2 ’ஆகிய இரண்டு படங்களில் நடித்து உலக அளவில் பிரபலமானவர் யாஷ் என்பதும் இவர் தற்போது ’டாக்ஸிக்’ என்ற திரைப்படத்தில் நடித்து வரும் நிலையில் இந்த படத்தை கீது மோகன்தாஸ் இயக்கி வருகிறார் என்பது தெரிந்ததே.
இந்த படத்தில் யாஷ் சகோதரியாக பிரபல பாலிவுட் நடிகை கரீனா கபூர் நடிக்க இருந்ததாக கூறப்பட்ட நிலையில் அவர் கால்ஷீட் பிரச்சனையால் விலகி விட்டதாகவும், அதற்கு பதிலாக நடிகை நயன்தாராவிடம் பேச்சுவார்த்தை நடத்தப்பட்டு வந்ததாகவும் கூறப்பட்டது
இந்த நிலையில் தற்போது வந்துள்ள தகவலின்படி இந்த படத்தில் ’வலிமை’ படத்தில் நடித்த ஹூமா குரேஷி ஒரு முக்கிய கேரக்டரில் நடிக்க இருப்பதாகவும் ஆனால் நயன்தாரா கேரக்டருக்கும் இருக்கும் சம்பந்தமில்லை என்றும் இவர் வேறொரு கேரக்டரில் நடிக்க இருப்பதாகவும் கூறப்படுகிறது.
நடிகை ஹூமா குரேஷி, சூப்பர் ஸ்டார் நடித்த ’காலா’ என்ற திரைப்படத்தின் மூலம் தமிழில் அறிமுகமாகி அதன் பிறகு ’வலிமை’ படத்தில் நடித்த நிலையில் தற்போது அவர் இரண்டு ஹிந்தி படங்களில் நடித்து வருகிறார். இந்த படங்களின் படப்பிடிப்பு விறுவிறுப்பாக நடைபெற்று வருகிறது.