தல அஜித் தான் உண்மையான 'சர்வைவர்'. 'விவேகம்' பாடல் குறித்து யோகி பி
- IndiaGlitz, [Monday,June 19 2017]
தல அஜித் நடித்த 'விவேகம்' படத்தின் 'சர்வைவர்' பாடல் டீசர் சமீபத்தில் வெளிவந்து மாபெரும் வெற்றி பெற்ற நிலையில் இன்று மாலை 6 மணிக்கு அந்த பாடலின் முழுவடிவம் வெளிவரவுள்ளது.
அனிருத் இசையமைப்பில் அனிருத் மற்றும் ராப் பாடகர் யோகி பி பாடியுள்ள இந்த பாடல் இன்று மாலைக்கு பின் உலக அளவில் டிரெண்ட் ஆகும் என்று எதிர்பார்க்கப்படுகிறது.
இந்த நிலையில் இந்த பாடலின் ராப் பகுதியின் வரிகளை எழுதி பாடியது குறித்து யோகி பி கூறியபோது, 'இந்த பாடலின் வரிகள் வாழ்க்கையில் போராடும் ஒரு மனிதர் புத்துயிர் பெற்று எப்படி மீண்டு வருகிறார் என்பதை குறித்து எழுதப்பட்டுள்ளது. தல அஜித் உண்மையிலேயே தனது வாழ்க்கையில் போராடி வெற்றி பெற்றவர் என்பதால் இந்த பாடல் 'விவேகம்' படத்துக்கு மட்டுமின்றி அவருக்கும் பொருத்தமாக இருக்கும். நாம் எல்லோருமே வாழ்க்கையின் ஒரு கட்டத்தில் இக்கட்டான நிலையில் இருந்து மீண்டும் புத்துயிர் பெறுகிறோம். அந்த வகையில் இந்த பாடல் அனைவருக்கும் பொருந்தும் வகையில் இருக்கும்.
அனிருத் இந்த பாடலை லேட்டஸ்ட் மியூசிக் டிரெண்டில் கம்போஸ் செய்துள்ளதால் அவர் மற்ற இசையமைப்பாளர்களை விட அப்டேட்டில் உள்ளார் என்பது உறுதியாகிறது. இவ்வாறு யோகி பி கூறியுள்ளார்.