அஜித் நடித்த ‘விடாமுயற்சி’ என்ற திரைப்படம் நாளை உலகம் முழுவதும் பிரம்மாண்டமாக வெளியாக இருக்கும் நிலையில், சற்றுமுன் இந்த படத்தின் "ஏகே ஆந்தம்" என்ற பாடல் வெளியாகி உள்ளது. அந்த பாடல் தற்போது இணையத்தில் வைரல் ஆகி வருகிறது.

அஜித், திரிஷா நடிப்பில், மகிழ் திருமேனி இயக்கத்தில், அனிருத் இசையில், லைகா நிறுவனத்தின் பிரம்மாண்டமான தயாரிப்பில் உருவாகியுள்ள ‘விடாமுயற்சி’ திரைப்படம் நாளை ரிலீஸ் ஆகிறது. இந்த படத்தின் இறுதிக்கட்ட ப்ரொமோஷன் பணிகள் நடைபெற்று வரும் நிலையில், இதுவரை இல்லாத அளவில் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.

இந்த நிலையில், இந்த படத்தின் ப்ரொமோஷன் பணிகளில் ஒன்றாக "ஏகே ஆந்தம்’ என்ற பாடல் வெளியாகி உள்ளது. இந்த பாடல் இணையத்தில் வைரல் ஆகி வருகிறது. இந்த பாடலை மோனிஷ் என்பவர் கம்போஸ் செய்துள்ளார். அஜய் ஸ்ரீராம், ராஜேஷ்குமார், ரோகித் ஸ்ரீனிவாசன், அஜித் மற்றும் சிவராமன் ஆகியோர் எழுதியுள்ளனர். இந்த பாடலை விஜயகுமார் மற்றும் பூபாலன் பாடியுள்ளனர்.

"தொட்டுப்பார் மேலே, இடி இறங்கும்
பயமே கிட்ட வர, நடுங்கும்
நிழலும் கூட ஓரம் ஒதுங்கும்
தனியாள் இல்லை ஏகே"

ஆகிய வரிகளுடன் தொடங்கும் இந்த பாடல் ‘விடாமுயற்சி’ படத்தின் மிகப்பெரிய பிரமோஷன் பாடலாக கருதப்படுகிறது.