close
Choose your channels

షూటింగ్ లో గాయపడ్డ అఖిల్

Thursday, March 5, 2020 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

షూటింగ్ లో గాయపడ్డ అఖిల్

అఖిల్ అక్కినేని హీరోగా బొమ్మ‌రిల్లు భాస్క‌ర్ ద‌ర్శ‌క‌త్వంలో రూపొందుతోన్న చిత్రం ‘మోస్ట్ ఎలిజిబుల్ బ్యాచ్‌ల‌ర్‌’. గ‌త కొన్ని రోజులుగా ఈ సినిమా షూటింగ్ చెన్నైలోజ‌రుగుతుంది. ఈ షూటింగ్‌లో అఖిల్ గాయ‌ప‌డ్డాడ‌ని సోష‌ల్ మీడియాలో వార్త‌లు విన‌ప‌డుతున్నాయి. విన‌ప‌డుతున్న స‌మాచారం మేర‌కు చెన్నైలో యాక్ష‌న్ స‌న్నివేశాల‌ను చిత్రీక‌రిస్తుండ‌గా అఖిల్ జారిప‌డ్డాడ‌ని ఫ‌లితంగా మోచేయి భాగం బాగా వాచింద‌ని దీంతో సినిమా షూటింగ్ నాలుగు రోజుల పాటు ఆగింద‌ని టాక్‌. మ‌రి దీనిపై చిత్ర యూనిట్ ఎలా స్పందిస్తుందో వేచి చూడాలి.

అల్లు అర‌వింద్ స‌మ‌ర్ప‌ణ‌లో జీఏ2 పిక్చ‌ర్స్ బ్యాన‌ర్‌పై బ‌న్నీవాస్‌, వాసు వ‌ర్మ ఈ చిత్రాన్ని నిర్మిస్తున్నారు. పూజా హెగ్డే హీరోయిన్‌గా న‌టిస్తుంది. సినిమా చిత్రీక‌ర‌ణ చివ‌రి ద‌శ‌కు చేరుకుంది. ఏప్రిల్‌లో సినిమాను విడుద‌ల చేస్తామ‌ని ముందుగా చిత్ర యూనిట్ భావించిన‌ప్ప‌టికీ తాజా స‌మాచారం ప్ర‌కారం ఈ సినిమాను మే నెల‌లోనే విడుద‌ల చేయాల‌ని అన‌కుంటున్నార‌ట‌. ఆస‌క్తిక‌ర‌మైన విష‌య‌మేమంటే ఇదే నెల‌లో అక్కినేని నాగ‌చైత‌న్య‌, సాయిప‌ల్ల‌వి లవ్‌స్టోరి కూడా విడుద‌ల కానుంది. గ‌త మూడు చిత్రాలు ఆశించిన స్థాయిలో విజ‌యాలు సాధించ‌క‌పోవ‌డంతో అఖిల్ మోస్ట్ ఎలిజిబుల్ బ్యాచ్‌ల‌ర్‌పై చాలా ఆశ‌లే పెట్టుకున్నాడు.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.