రామ్ సినిమాలో 'మన్మథుడు 2' బ్యూటీ.. రోల్ ఏంటో తెలుసా ?
- IndiaGlitz, [Saturday,July 31 2021]
హీరో రామ్ పోతినేని నటిస్తున్న తాజా చిత్రం లింగుస్వామి దర్శకత్వంలో తెరకెక్కుతోంది. తమిళ దర్శకుడు లింగుస్వామి, రామ్ తొలిసారి జత కట్టడంతో ఈ ప్రాజెక్ట్ పై భారీ అంచనాలు ఉన్నాయి. ఈ చిత్రంపై రామ్ కూడా చాలా ఆసక్తిగా ఉన్నాయి.
ఈ మూవీలో తారాగణం కూడా భారీగానే ఉంది. రామ్ సరసన ఉప్పెన ఫేమ్ కృతి శెట్టి హీరోయిన్ గా నటిస్తోంది. ఇక విలన్ పాత్ర కోసం లింగుస్వామి ఆది పినిశెట్టిని ఎంపిక చేసుకుని అందరిని సర్ ప్రైజ్ చేశారు. ఆది పినిశెట్టి.. సరైనోడు, అజ్ఞాతవాసి చిత్రాల్లో విలన్ గా నటించిన సంగతి తెలిసిందే.
అత్తారింటికి దారేది ఫేమ్ నదియా ఈ చిత్రంలో కీలక పాత్రలో నటిస్తోంది. తాజాగా మరో హాట్ బ్యూటీ ఈ మూవీలో క్రేజీ రోల్ లో నటిస్తోంది. మన్మథుడు 2 లో చిన్న రోల్ లో మెరిసిన కన్నడ అందాల భామ అక్షర గౌడ ఈ చిత్రంలో ఆది పినిశెట్టికి పెయిర్ గా కనిపించనుందట. ఆల్రెడీ అక్షర షూట్ లో జాయిన్ అయినట్లు తెలుస్తోంది.
అక్షర గౌడ సోషల్ మీడియాలో అందాలు ఆరబోస్తూ పాపులర్ అవుతోంది. తమిళ, కన్నడ చిత్రాల్లో కూడా నటిస్తోంది. లింగుస్వామి ఈ చిత్రాన్ని సోషల్ మెసేజ్ ప్లస్ కమర్షియల్ ఎంటర్టైనర్ గా తెరకెక్కిస్తున్నారు. రాక్ స్టార్ దేవిశ్రీ సంగీత దర్శకుడు. శ్రీనివాస సిల్వర్ స్రీన్ బ్యానర్ పై శ్రీనివాస చిత్తూరి ఈ చిత్రాన్ని నిర్మిస్తున్నారు.