close
Choose your channels

భారీ రెమ్యున‌రేష‌న్ తీసుకుంటున్న ఆలియా

Thursday, April 9, 2020 • తెలుగు Comments

భారీ రెమ్యున‌రేష‌న్ తీసుకుంటున్న ఆలియా

ద‌ర్శ‌క‌ధీరుడు రాజ‌మౌళి, యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రామ్‌చ‌ర‌ణ్ కాంబినేష‌న్‌లో రూపొందుతోన్న ప్రెస్టీజియ‌స్ చిత్రం ‘రౌద్రం ర‌ణం రుధిరం’(ఆర్ఆర్ఆర్‌). ఇందులో మ‌న్యం వీరుడు అల్లూరి సీతారామ‌రాజు పాత్ర‌లో మెగాప‌వ‌ర్‌స్టార్ రామ్‌చ‌ర‌ణ్.. గోండు వీరుడు కొమురంభీమ్ పాత్రలో యంగ్ టైగ‌ర్ ఎన్టీఆర్ నటిస్తోన్న సంగ‌తి తెలిసిందే. రెండు నిజమైన చారిత్ర‌క పాత్రల క‌ల్పిత‌గాథే ఈ చిత్రం. రూ.400 కోట్ల‌తో డి.వి.వి.దానయ్య నిర్మిస్తోన్న ఈ చిత్రంలో ఎన్టీఆర్ జోడీగా బ్రిటీష్ భామ ఒలివియా మోరిస్ న‌టిస్తుండ‌గా రామ్‌చ‌ర‌ణ్ జోడీగా బాలీవుడ్ బ్యూటీ ఆలియా భ‌ట్ న‌టిస్తోంది.

కరోనా వైర‌స్ ప్ర‌భావం త‌గ్గిన త‌ర్వాత మే నెల‌లో ప్రారంభం కాబోయే కొత్త షెడ్యూల్‌లో చ‌ర‌ణ్‌, ఆలియాపై ఓ పాట‌ను, కీల‌క స‌న్నివేశాల‌ను చిత్రీక‌రించ‌నున్నార‌ట‌. ఆర్ఆర్ఆర్ కోసం ఆలియా 10 రోజుల కాల్షీట్‌ను కేటాయించింద‌ట‌. అందుకుగానూ ఈ అమ్మ‌డు రూ.5 కోట్ల రెమ్యున‌రేష‌న్‌ను అందుకుంటుంద‌ని టాక్‌. అంటే రోజుకు రూ.50 ల‌క్ష‌ల రెమ్యున‌రేష‌న్ అన్న‌మాట‌. ఇంత భారీ రెమ్యున‌రేష‌న్ అందుకుంటుంన్నందుకు ఆలియా ఇప్పుడు టాక్ ఆఫ్ ది టాలీవుడ్ సోష‌ల్ మీడియాగా మారింది. ఆర్ఆర్ఆర్‌ చిత్రాన్ని వ‌చ్చే ఏడాది సంక్రాంతి సంద‌ర్బంగా జ‌న‌వ‌రి 8న విడుద‌ల చేయాల‌నుకుంటున్నారు.

Get Breaking News Alerts From IndiaGlitz