close
Choose your channels

అడివి శేష్‌తో అలియా.. టాలీవుడ్‌లో మరోసారి మెరవనుందా?

Thursday, December 19, 2019 • తెలుగు Comments

అడివి శేష్‌తో అలియా.. టాలీవుడ్‌లో మరోసారి మెరవనుందా?

అడివి శేష్.. ఎలాంటి బ్యాక్ గ్రౌండ్ లేకుండానే తనకంటూ ప్రత్యేక గుర్తింపు తెచ్చుకున్న నటుడు. పెద్ద పెద్ద నిర్మాణ సంస్థలు కూడా శేష్‌ ప్రాజెక్టులపై ఆసక్తి చూపుతున్నాయి. శేష్‌కు సంబంధించి తాజాగా ఓ వార్త టాలీవుడ్‌లో చక్కర్లు కొడుతోంది. బాలీవుడ్ ముద్దుగుమ్మ అలియా భట్ .. శేష్‌ సరసన నటించనుందట. శేష్ ప్రస్తుతం ‘మేజర్’ సినిమా చేస్తున్నాడు. శశి కిరణ్ టిక్కా దర్శకుడు. 26/11 తీవ్రవాద దాడుల్లో అమరుడైన మేజర్ సందీప్ ఉన్నికృష్ణన్ జీవితం ఆధారంగా తెరకెక్కుతున్న చిత్రమిది.

సూపర్ స్టార్ మహేశ్ బాబుకు చెందిన జీఎంబీ, సోనీ పిక్చర్స్ సంయుక్తంగా ఈ సినిమాను నిర్మిస్తున్నాయి. తెలుగు, హిందీ భాషల్లో నిర్మితమవుతున్న ఈ సినిమాలో అలియాను నటింప చేసేందుకు నిర్మాతలు ప్రయత్నిస్తున్నారు. ఆమె వల్ల సినిమాకు మైలేజ్ మరింత పెరుగుతుందని వారి భావన. ఈ మేరకు ఆమెతో సంప్రదింపులు జరిపారని సమాచారం. అయితే ఆమె తన నిర్ణయాన్ని పెండింగ్‌లో పెట్టిందట.

అలియా ప్రస్తుతం టాలీవుడ్ ప్రతిష్ఠాత్మక ‘ట్రిపుల్ ఆర్’ సినిమాలో నటిస్తున్న విషయం తెలిసిందే. రాజమౌళి డైరెక్షన్‌లో రూపుదిద్దుకుంటున్న ఈ సినిమాలో రామ్ చరణ్‌కు జోడీగా నటిస్తోంది. ఎన్టీఆర్ సరసన ఒలీవియా మోరిస్ యాక్ట్ చేస్తోంది. వచ్చే ఏడాది జూలై 30న సినిమా విడుదల కానుంది.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.   

Get Breaking News Alerts From IndiaGlitz