నిఖిల్ పైనే ఆశలన్నీ
- IndiaGlitz, [Sunday,October 11 2015]
'ప్రేమ‌క‌థా చిత్ర‌మ్' విజ‌యంలో కీల‌క పాత్ర పోషించింది ఎవ‌రంటే.. ఠ‌క్కున వ‌చ్చే స‌మాధానం నందిత. అంత‌గా తన న‌ట‌న‌తో సినిమాకి జీవాన్నిచ్చింది ఆ అమ్మ‌డు. ఆ సినిమాతో న‌టిగా ఎంతో గుర్తింపు తెచ్చుకున్న నందిత‌కి ఆ త‌రువాత మాత్రం ఆశించిన విజ‌యాలేమీ రాలేదు. 'రామ్‌లీలా, కృష్ణ‌మ్మ క‌లిపింది ఇద్ద‌రినీ' చిత్రాలు నిరాశ‌ప‌రిచితే.. వీటికంటే ముందు వ‌చ్చిన ల‌వ‌ర్స్ మాత్రం ఊర‌ట‌నిచ్చింది.
ఈ నేప‌థ్యంలో ప్రేమ‌క‌థా చిత్ర‌మ్ స్థాయి విజ‌యం కోసం అమ్మ‌డు ఆశ‌గా ఎదురుచూస్తోంది. ఈ నేప‌థ్యంలో స్వామి రా..రా.., కార్తీకేయ, సూర్య వెర్స‌స్ సూర్య.. ఇలా హ్యాట్రిక్ విజ‌యాల‌తో ఫుల్‌ఫామ్‌లో ఉన్న నిఖిల్‌తో క‌లిసి న‌టిస్తున్న 'శంక‌రాభ‌ర‌ణం' పైనే తన ఆశలన్నీ పెట్టుకుంది నందిత. దీపావ‌ళి కానుక‌గా న‌వంబ‌ర్‌లో ఈ సినిమా విడుద‌ల కానుంది. మ‌రి నిఖిల్ అయినా తన ఇన్‌ఫ్లూయిన్స్‌తో నందిత‌కి తిరిగి ఫామ్ అందిస్తాడేమో చూడాలి.