వెరైటీ టైటిల్ తో అల‌ర్లి నరేష్..
- IndiaGlitz, [Friday,March 11 2016]
అల్ల‌రి సినిమాతో హీరోగా ప‌రిచ‌య‌మై...తొలి సినిమా టైటిలే ఇంటిపేరుగా పాపుల‌ర్ అయిన యువ క‌థానాయ‌కుడు అల్ల‌రి నరేష్. రాజేంద్ర‌ప్ర‌సాద్ త‌ర్వాత ఈత‌రంలో కామెడీ చిత్రాల‌కు కేరాఫ్ అడ్ర‌స్ అంటే అల్ల‌రి నరేష్. అయితే ఈమ‌ధ్య స్టార్ హీరోలు సైతం కామెడీ చేయ‌డం ప్రారంభించిన‌ప్ప‌టి నుంచి అల్ల‌రి నరేష్ కాస్త వెన‌క‌ప‌డ్డాడు.అయితే.. జేమ్స్ బాండ్ తో స‌క్సెస్ సాధించిన అల్ల‌రి నరేష్ ఈసారి అంద‌ర్నీ ఆక‌ట్టుకునేలా ఓ సినిమా చేసి విజ‌యం సాధించాల‌నుకుంటున్నాడు.
ఫిటింగ్ మాస్ట‌ర్, బ్లేడ్ బాబ్జీ, క‌త్తి కాంతారావు, బెట్టింగ్ బంగార్రాజు, బెండు అప్పారావు..ఇలా వెరైటీ టైటిల్స్ తో ఆక‌ట్టుకుంటున్న అల్ల‌రి నరేష్ తాజాగా సెల్పీరాజా అనే టైటిల్ తో సినిమా చేయ‌డానికి రెడీ అవుతున్నాడు. ఈ సినిమాకి సంబంధించిన పూర్తి వివ‌రాల‌ను త్వ‌ర‌లో తెలియ‌చేయ‌నున్నారు. మ‌రి..అల్ల‌రి నరేష్ సెల్పీరాజా టైటిల్ తో స‌క్సెస్ సాధిస్తాడ‌ని ఆశిద్దాం.