బన్ని మనసు దోచుకున్న క్షణం...
- IndiaGlitz, [Tuesday,March 01 2016]
స్టైలీష్ స్టార్ అల్లు అర్జున్ ప్ర‌స్తుతం స‌రైనోడు సినిమా బిజీలో ఉన్నారు. ఈ చిత్రం స‌మ్మ‌ర్ స్పెష‌ల్ గా ఏప్రిల్ 22న ప్రేక్ష‌కుల ముందుకు వ‌చ్చేందుకు రెడీ అవుతుంది. అయితే బన్ని నిన్న రానా తో క‌ల‌సి క్షణం సినిమా చూసారు. క్షణం బ‌న్నికి బాగా న‌చ్చేసింద‌ట. వెంట‌నే క్షణం టీమ్ కి రెస్టారెంట్ లో ఓ పార్టీ కూడా ఇచ్చేసాడ‌ట.
అంత‌టితో ఆగ‌లేదు క్షణం సినిమా గురించి ట్విట్ట‌ర్ లో త‌న స్పంద‌న‌ను తెలియ‌చేసాడు. ఇంత‌కీ ట్విట్ట‌ర్ లో ఏమ‌న్నాడంటే...గుడ్ ఫిలిమ్ గురించైనా బ్యాడ్ ఫిలిమ్ గురించైనా ట్వీట్ చేయ‌కూడ‌ద‌నేది నా పాల‌సీ. కానీ క్షణం సినిమా చూసాకా నా పాల‌సీకి మిన‌హాయింపు ఇచ్చాను. క్షణం సినిమా నాకు న‌చ్చింది. కొత్త‌త‌రం తెలుగు ద‌ర్శ‌కులు, న‌టులు మంచి చిత్రాలను అందిస్తూ తెలుగు సినిమా ఇండ‌స్ట్రీని ముందుకు తీసుకెళుతున్నారు. సస్పెన్స్ థ్రిల్లర్ మూవీ ల‌వ‌ర్స్ త‌ప్ప చూడండి అంటూ క్షణం గురించి ట్విట్ట‌ర్ స్పందించాడు బన్ని.