రెండక్ష‌రాల టైటిల్‌తో బ‌న్నీ...?
- IndiaGlitz, [Friday,April 03 2020]
స్టైలిష్ స్టార్ అల్లు అర్జున్ హీరోగా సుకుమార్ ద‌ర్శ‌క‌త్వంలో ఓ సినిమా రూపొంద‌నున్న సంగ‌తి తెలిసిందే. ఈ నెల‌లో షూటింగ్ ప్రారంభం కావాల్సింది. అయితే కాలేదు. అందుకు కార‌ణం ప్ర‌త్యేకంగా చెప్ప‌న‌క్క‌ర్లేదు. క‌రోనా వైర‌స్‌. దీంతో ముందు కేర‌ళ‌లో అనుకున్న షూటింగ్ గోదావ‌రి జిల్లాల్లో అనుకున్నారు. తీరా ఇప్పుడు ఆల‌స్యంగా సినిమా సెట్స్‌పైకి వెళ్ల‌నుంది. కాగా.. ఈ సినిమాకు సంబంధించిన వార్తొక‌టి సోష‌ల్ మీడియాలో హాల్ చ‌ల్ చేస్తుంది. అదేంటంటే..ఈ సినిమా టైటిల్ శేషాచ‌ల అనుకున్న‌ట్లు వార్త‌లు వినిపించాయి. కానీ లేటెస్ట్ స‌మాచారం మేర‌కు ఈ సినిమాకు సుకుమార్ ఇంత‌కు ముందుకు ఆర్య, ఆర్య 2 స్లైల్లోనే రెండు అక్ష‌రాల టైటిల్‌ను పెట్టాల‌నుకుంటున్నాడ‌ట. ఓ అమ్మాయి పేరు సౌండింగ్‌లో టైటిల్ ఉంటుంద‌ని టాక్‌. ఏప్రిల్ 8న బ‌న్నీ పుట్టిన‌రోజు సంద‌ర్భంగా టైటిల్‌ను ప్ర‌క‌టిస్తార‌ని వార్త‌లు విన‌ప‌డుతున్నాయి.
ఆర్య, ఆర్య2 చిత్రాల త‌ర్వాత అల్లు అర్జున్, సుకుమార్ కాంబినేష‌న్‌లో రూపొందుతోన్న చిత్రం కావ‌డంతో సినిమాపై మంచి అంచ‌నాలు నెల‌కొన్నాయి. ర‌ష్మిక మంద‌న్న హీరోయిన్‌గా న‌టిస్తోంది. శేషాచ‌లం అడవుల్లో జ‌రిగే ఎర్ర చంద‌నం స్మ‌గ్లింగ్ నేప‌థ్యంలో సుకుమార్ సినిమాను తెర‌కెక్కించ‌బోతున్నాడ‌ట. ఈ సినిమా కోసం బ‌న్నీ చిత్తూరు జిల్లా యాస‌ను నేర్చుకున్నాడ‌ట.