close
Choose your channels

బ‌రువు త‌గ్గుతున్న బ‌న్ని...

Saturday, July 25, 2020 • తెలుగు Comments

బ‌రువు త‌గ్గుతున్న బ‌న్ని...

ఇప్పుడు తెలుగు సినీ ప్రేక్ష‌కుడు కంటెంట్ సినిమాల‌ను ఎక్కువ‌గా ఆదరిస్తున్నారు. దీంతో మ‌న స్టార్స్ దృక్ప‌థం కూడా మారింది. పాత్ర‌కు, క‌థకు అనుగుణంగా త‌మ లుక్‌ను కూడా మార్చుకోవ‌డానికి సిద్ధ‌ప‌డుతున్నారు. అందుకు బెట‌ర్ ఎగ్జాంపుల్ స్టైలిష్ స్టార్ అల్లుఅర్జున్‌. ఈ ఏడాది సంక్రాంతికి బ‌న్నీ ‘అల వైకుంఠ‌పుర‌ములో’ చిత్రంతో నాన్ ‘బాహుబ‌లి’ రికార్డుల‌ను క్రియేట్ చేశారు. ఈ సినిమాలో మిడిల్ క్లాస్ కుర్రాడిగా క‌న‌ప‌డ‌టానికి బ‌న్నీ కాస్త బ‌రువు కూడా పెరిగారు. లుక్ మార్చుకున్నారు. ఇప్పుడు బ‌న్నీ తన 20వ సినిమా ‘పుష్ప’ కోసం మ‌రోసారి లుక్ మార్చుకున్నారు.

‘అర్య, ఆర్య 2’ త‌ర్వాత టాలీవుడ్‌కే ప‌రిమిత‌మైన‌ప్ప‌టికీ.. స్టైలిష్ స్టార్ అల్లు అర్జున్‌, డైరెక్ట‌ర్ సుకుమార్ కాంబినేష‌న్‌లో రూపొందుతోన్న ‘పుష్ప‌’ చిత్రం మాత్రం ప్యాన్ ఇండియా చిత్రంగా రూపొందుతోన్న సంగ‌తి తెలిసిందే. . క‌రోనా వైర‌స్ ప్ర‌భావం లేకుండా ఉండుంటే ఈ పాటికే సెట్స్‌లో ఉండాల్సిన ఈ సినిమా షూటింగ్ ఆగింది. లేటెస్ట్ స‌మాచారం మేర‌కు ‘పుష్ప‌’ సినిమా కోసం బన్నీ బరువు తగ్గుతున్నాడట. అందుకోసం కేబీఆర్ పార్కులో ప‌రుగుతీస్తున్నాడ‌ట బ‌న్నీ. ఈ సినిమా కోసం ఏకంగా ఎనిమిది కిలోల బ‌రువు త‌గ్గాడ‌ట బ‌న్నీ. ర‌ష్మిక మంద‌న్న హీరోయిన్‌గా న‌టిస్తోన్న ఈ చిత్రం శేషాచ‌ల అడ‌వుల్లో జరిగే ఎర్ర చంద‌నం స్మ‌గ్లింగ్ నేప‌థ్యంలో తెర‌కెక్క‌నుంది.

Get Breaking News Alerts From IndiaGlitz