அமலாபாலின் 'அதோ அந்த பறவை போல' ரிலீஸ் தேதி அறிவிப்பு!
- IndiaGlitz, [Sunday,January 26 2020]
அமலாபால் நடித்த ’அதோ அந்த பறவை போல’ திரைப்படத்தின் டிரைலர் சமீபத்தில் வெளியாகி மிகப்பெரிய வரவேற்பைப் பெற்றது. நாயகிக்கு முக்கியத்துவம் கொடுக்கப்பட்டுள்ள இந்த படத்தில் அமலாபால் ரிஸ்க் எடுத்து டூப் இல்லாமல் சண்டை காட்சியில் நடித்தது, தற்காப்பு கலை ஒன்றை இதற்காக அவர் பயிற்சி பெற்றதும் பரபரப்பாக பேசப்பட்டடு. எனவே இந்த படம் அமலாபால் திரையுலக வாழ்வில் ஒரு முக்கிய திரைப்படமாக இருக்கும் என கருதப்பட்டது
இந்த நிலையில் இந்த படம் இம்மாத இறுதியில் வெளியாகும் என்று எதிர்பார்க்கப்பட்ட நிலையில் தற்போது பிப்ரவரி 14 ஆம் தேதி அதாவது காதலர் தினத்தில் வெளியாகும் என அறிவிக்கப்பட்டுள்ளது. மேலும் ரிலீஸ் தேதியுடன் கூடிய ஒரு புதிய போஸ்டரையும் படக்குழுவினர் வெளியிட்டுள்ளனர் என்பது குறிப்பிடத்தக்கது
ஏற்கனவே அதே பிப்ரவரி 14ஆம் தேதி ஹிப் ஹாப் தமிழாவின் ’நான் சிரித்தால்’ அசோக் செல்வனின் ’ஓ மை கடவுளே’ ஆகிய திரைப்படங்கள் ரிலீஸாக உள்ளது என்பது குறிப்பிடத்தக்கது
அமலாபால், ஆசிஷ் வித்யார்த்தி, சமீர் கோச்சார் உள்பட பலர் நடித்துள்ள இந்த படத்தை வினோத் இயக்கியுள்ளார். ஜேக்ஸ் பிஜாய் இசையில், சாந்தகுமார் ஒளிப்பதிவில் ஜான் ஆபிரஹாம் படத்தொகுப்பில் உருவாகியுள்ள இந்த படத்தை ஜோன்ஸ் என்பவர் தயாரித்துள்ளார்.