4 எலும்பு கிடைச்சா போதும், அதை வச்சு ஜாதகத்தையே எழுதிடுவேன்: அமலாபாலின் 'கடாவர்' டிரைலர்
- IndiaGlitz, [Saturday,July 30 2022]
நடிகை அமலாபால் நடித்த ‘கடாவர்’ என்ற திரைப்படம் நேரடியாக ஹாட்ஸ்டார் ஓடிடியில் ரிலீசாக இருப்பதாக வெளிவந்த செய்தியை ஏற்கனவே பார்த்தோம். இந்த நிலையில் இந்த படத்தின் டிரைலர் சற்று முன் வெளியாகி இணையதளங்களில் வைரலாகி வருகிறது.
அமலாபால் நடித்து தயாரித்துள்ள ‘கடாவர்’ படம் ஒரு திகில் கதையம்சம் கொண்டது என்றும் ஒரு பிணத்தை பிரேத பரிசோதனை செய்வதன் மூலம் அந்த பிணத்தின் ஜாதகத்தையே கண்டறியும் அதிகாரியாக அமலாபால் நடித்திருக்கிறார் என்றும் இந்த ட்ரெய்லரில் இருந்து தெரியவருகிறது.
அதிரடி ஆக்ஷன் மற்றும் திரில்லர் கதையம்சம் கொண்ட இந்த படம், டிரைலரின் ரிலீசுக்கு பின்னர் நல்ல எதிர்பார்ப்பை ஏற்படுத்தியுள்ளது. அனு பணிக்கர் இயக்கத்தில் உருவாகிய இந்த படத்தில் ஹரிஷ் உத்தமன், அதுல்யா ரவி, ரித்விகா உள்பட பலர் நடித்துள்ளனர். ரஞ்சின் ராஜ் இசையில் அரவிந்த் சிங் ஒளிப்பதிவில் சான் லோகேஷ் படத்தொகுப்பில் உருவாகியுள்ள இந்த படம் ஆகஸ்ட் 12-ஆம் தேதி ஹாட்ஸ்டார் ஓடிடியில் நேரடியாக ரிலீஸாகவுள்ளது என்பது குறிப்பிடத்தக்கது.