అమితాబ్‌జీ ఆ విషయం నాకు ఇప్పటికీ గుర్తుంది: పవన్ కల్యాణ్
- IndiaGlitz, [Sunday,July 12 2020]
జనసేన అధినేత పవన్ కల్యాణ్.. బిగ్‌బి అమితాబ్ బచ్చన్ త్వరగా కోలుకోవాలని ఆకాంక్షిస్తూ ఓ పోస్ట్ పెట్టారు. ఆ పోస్టులో గతంలో జరిగిన విషయాలను సైతం ఆయన ప్రస్తావించారు. ‘‘గౌరవనీయులైన అమితాబ్ బచ్చన్ గారు.. మీరు ‘కూలి’ షూట్‌లో గాయపడినప్పుడు మా అమ్మ, నాన్న సహా మా కుటుంబం మొత్తం మీరు బాగుండాలని ప్రార్థించిన విషయం నాకు ఇప్పటికీ గుర్తుంది. మీలోని టాలెంట్‌నే కాదు.. ఫైటింగ్ స్పిరిట్, సింప్లిసిటి, వినమ్రతను మేము చాలా ఇష్ట పడతాం. మీకు, అభిషేక్‌కు కరోనా పాజిటివ్ అని తెలిసినప్పుడు చాలా బాధ అనిపించింది. ‘లార్డ్ ధన్వంతరి’ మిమ్మల్ని, అభిషేక్‌ని మిమ్మల్ని తన వైద్య శక్తితో నయం చేసి.. కోలుకునేలా ఆశీర్వదించాలని కోరుకుంటున్నా’’ అని పవన్ పోస్ట్‌లో పేర్కొన్నారు.
అమితాబ్‌ను పవన్ ఎంతలా ఇష్టపడతారో ప్రత్యేకంగా చెప్పనక్కర్లేదు. ‘సైరా నరసింహారెడ్డి’ షూటింగ్ సమయంలో ప్రత్యేకంగా అమితాబ్‌ను కలిసేందుకు పవన్ వెళ్లిన సంగతి తెలిసిందే. నేడు పవన్ ట్వీట్‌లో సైతం.. ‘మీ అభిమాని.. ఆరాధకుడు.. పవన్ కల్యాణ్’ అని పేర్కొనడం అమితాబ్‌పై ఆయనకున్న గౌరవానికి నిదర్శనం.
To my beloved & respected
— Pawan Kalyan (@PawanKalyan) July 12, 2020
Sri @SrBachchan ji, pic.twitter.com/fyMwsw3wQI