close
Choose your channels

தவறான தலைமையால் கஷ்டப்படுகிறோம்: 'தர்மபிரபு' ஆடியோ விழாவில் டி.சிவா

Saturday, May 4, 2019 • தமிழ் Comments

யோகிபாபு நடிப்பில் உருவாகியுள்ள 'தர்மபிரபு' படத்தின் ஆடியோ விழா இன்று சென்னையில் நடைபெற்றது. இந்த விழாவில் யோகிபாபு உள்பட படக்குழுவினர்களும் சிறப்பு விருந்தினர்களும் கலந்து கொண்டனர்.

இந்த விழாவில் கலந்து கொண்ட அம்மா கிரியேஷன்ஸ் டி.சிவா பேசும்போது, 'புக் மை ஷோவில் ஒரு சினிமா டிக்கெட் புக் செய்தால் இப்போது ரூ 40 ஆகிவிட்டது. தயாரிப்பாளர்கள் யாரிடமும் சொல்ல முடியாமல் அனாதை போல் தவிக்கிறார்கள். தவறான தலைமையால் கஷ்டப்படுகிறோம். அரசாங்கத்திடம் முறையிட்டால் எல்லாம் சரியாகும். அதை செய்ய ஆளில்லை' என்று கூறினார். மேலும் 'தர்மபிரபு' படத்தில் எல்லாரையும் வச்சி செஞ்சுருக்காங்க' என்று படக்குழுவினர்களை பாராட்டிய டி.சிவா, 'கடவுள் அனைத்தையும் அவ்வளவு எளிதில் யாருக்கும் கொடுத்துவிட மாட்டார். ஆனால் யோகிபாபு அதிர்ஷ்டசாலி' என்று கூறினார். 

இந்த படத்தின் இயக்குனர் முத்துகுமரன் பேசியபோது, 'நானும் யோகிபாபுவும் ஒரே அறையில் தங்கியிருந்து சினிமா வாய்ப்பு தேடியவர்கள். பத்து வருடத்திற்கு முன்பே இந்த கதையை நான் அவரிடம் கூறியிருந்தேன். இந்த படத்தில் இன்றைய அரசியல் நிறைய இருக்கும்' என்று கூறினார்.

Get Breaking News Alerts From IndiaGlitz