close
Choose your channels

அட்லியின் அடுத்த படத்தின் ரிலீஸ் தேதி அறிவிப்பு!

Friday, October 30, 2020 • தமிழ் Comments

தளபதி விஜய் நடித்த ’பிகில்’ திரைப்படத்தை இயக்கிய அட்லி, அடுத்ததாக ஷாருக்கான் நடிக்கும் படத்தை இயக்க இருப்பதாகவும், இது குறித்த ஆரம்பகட்ட பணிகளை அவர் செய்து வருவதாகவும் கூறப்படுகிறது.

இந்த நிலையில் அட்லியின் தயாரிப்பில் ஒரு திரைப்படம் உருவாகி வந்தது என்பதும் ’அந்தகாரம்’ என்ற டைட்டிலில் உருவாகி வந்த அந்த படத்தை விக்னேஷ் ராஜன் என்பவர் இயக்கி வந்தார் என்பதும் தெரிந்ததே.

லோகேஷ் கனகராஜ் இயக்கிய ’கைதி’ மற்றும் ’மாஸ்டர்’ ஆகிய படங்களில் வில்லன் வேடத்தில் நடித்து அர்ஜுன் தாஸ், இந்த படத்தில் முக்கிய வேடத்தில் நடித்துள்ளார். இந்த நிலையில் இந்த படம் ரிலீஸுக்கு கடந்த சில மாதங்களுக்கு முன்பே தயாரான நிலையில் விரைவில் ஓடிடியில் ரிலீசாகும் என்று எதிர்பார்க்கப்பட்டது.

இந்த நிலையில் தற்போது இந்த படத்தின் ரிலீஸ் குறித்த அதிகாரப்பூர்வ அறிவிப்பும் வெளிவந்துள்ளது. நவம்பர் 24ஆம் தேதி நெட்பிளிக்ஸில் ‘அந்தகாரம்’ திரைப்படம் வெளியாகும் என படக்குழுவினர் தற்போது அறிவித்துள்ளனர். இதனையடுத்து இந்த படத்தின் புரமோஷன் பணிகள் விரைவில் தொடங்கவுள்ளது.

Get Breaking News Alerts From IndiaGlitz