కొత్త డైరెక్ట‌ర్‌తో యాంగ్రీ స్టార్‌
- IndiaGlitz, [Saturday,June 06 2020]
కొత్త కాన్సెప్ట్ చిత్రాల‌కు ఆద‌ర‌ణ పెరుగుతున్నాయి. తెలుగు సినిమాల్లో ఒక‌ప్పుడు ఉన్న క‌మ‌ర్షియాలిటీ త‌గ్గిపోతుంది. ఎమోష‌న్స్‌, రియ‌ల్ కంటెంట్ చుట్టూ సినిమా తిరుగుతుంది. దీంతో కొత్త ద‌ర్శ‌కుల‌కు మంచి అవ‌కాశాలు వ‌స్తున్నాయి. సీనియ‌ర్ హీరోలు ఇత‌ర స్టార్స్ అంద‌రూ డిఫ‌రెంట్ సినిమాల‌నే ట్రై చేస్తున్నారు. ఈ కోవ‌లో తెలుగు యాంగ్రీస్టార్ డా.రాజశేఖర్ ఓ సినిమాతో స‌క్సెస్ కొట్టిన ద‌ర్శ‌కుడితో సినిమా చేయ‌బోతున్నాడ‌ట. ఇంత‌కూ ఆ ద‌ర్శ‌కుడు ఎవ‌రో కాదు.. క‌రుణ‌కుమార్‌.
తొలి చిత్రం ప‌లాస 1978 సినిమాతో అటు ప్రేక్ష‌కుల‌ను మెప్పించి ఇటు విమ‌ర్శ‌కుల ప్ర‌శంస‌లు అందుకున్నాడు క‌రుణ కుమార్. ఈ సినిమా సక్సెస్‌తో ప్రముఖ నిర్మాత అల్లు అర‌వింద్ త‌న బ్యాన‌ర్‌లో ఓ సినిమా చేయ‌డానికి ఓకే చేయించేసుకున్నాడు. అడ్వాన్స్ కూడా ఇచ్చేశాడు. అయితే ఇప్పుడు క‌రుణ కుమార్ త‌న త‌దుప‌రి చిత్రాన్ని అల్లు అర‌వింద్‌తో కాకుండా మ‌రో నిర్మాత‌తో రాజశేఖర్ హీరోగా చేయ‌బోతున్నాడ‌ట. ఇంత‌కు ఆ నిర్మాత ఎవ‌రో కాదు. జీవితా రాజశేఖర్. ఇది వ‌ర‌కు గ‌రుడ‌వేగ, క‌ల్కి చిత్రాల నిర్మాణంలో భాగ‌మైన జీవిత ఈసారి కూడా నిర్మాత‌గా మారుతున్నార‌ట. త్వ‌రలోనే రాజశేఖర్, క‌రుణ కుమార్ సినిమాను స్టార్ట్ చేసి థియేట‌ర్స్ దొర‌క్క‌పోయినా ఓటీటీలో సినిమాను విడుద‌ల చేసేలా ప్లాన్ చేసుకుంటున్నారంటూ వార్త‌లు విన‌ప‌డుతున్నాయి. మ‌రి ఈ వార్త‌ల‌పై రాజశేఖర్, జీవిత ఎలా స్పందిస్తారో వేచి చూడాలి.