விஷால் திருமண வதந்திக்கு முற்றுப்புள்ளி வைத்த அனிஷா ரெட்டி!
- IndiaGlitz, [Thursday,August 29 2019]
நடிகர் விஷால் இன்று தனது 43வது பிறந்த நாளை கொண்டாடி வரும் நிலையில் அவருக்கு கோலிவுட் திரையுலகினர்களும், ரசிகர்களும் வாழ்த்துக்களை தெரிவித்தவண்ணம் உள்ளனர். இந்த நிலையில் விரைவில் விஷாலின் மனைவியாக போகும் அனிஷா ரெட்டி, விஷாலுக்கு சமூக வலைத்தளம் மூலம் தனது வாழ்த்துக்களை தெரிவித்துள்ளார்.
விஷால்-அனிஷா நிச்சயதார்த்தம் கடந்த மார்ச் மாதம் நடந்த நிலையில் கடந்த சில நாட்களுக்கு முன் இந்த திருமணம் குறித்து ஒருசில வதந்திகள் ஊடகங்களில் வலம் வந்தன. இதனால் இந்த திருமணம் நின்று போக வாய்ப்பு இருப்பதாகவும் கூறப்பட்டது. ஆனால் இந்த வதந்திகளுக்கு முற்றுப்புள்ளி வைக்கும் வகையில் அனிஷாவின் இந்த பிறந்த நாள் வாழ்த்து உள்ளது என்பது தெளிவாகிறது. மேலும் விஷால்-அனிஷா திருமணம் வரும் அக்டோபர் நடைபெற வாய்ப்பு இருப்பதாகவும் கூறப்படுகிறது.
சுந்தர் சி இயக்கத்தில் 'ஆக்சன்' என்ற படத்தில் நடித்து முடித்துள்ள விஷால் அடுத்ததாக மிஷ்கின் இயக்கத்தில் 'துப்பறிவாளன் 2' மற்றும் பிஎஸ் மித்ரன் இயக்கத்தில் 'இரும்புத்திரை 2' ஆகிய படங்களில் நடிக்கவுள்ளார்.